«استانا – قاۋىپسىز قالا» باعدارلاماسىنىڭ شەڭبەرىندە ەلوردا اكىمدىگى بارلىق شۇعىل ارەكەت ەتۋ سۇراقتارى بويىنشا «112 بىرىڭعاي بايلانىس ورتالىعىن» قۇرۋعا قاتىستى جۇمىستاردى جۇرگىزىپ جاتىر, دەپ حابارلايدى قالالىق اكىمدىكتىڭ رەسمي سايتى.
iKomek قالالىق مونيتورينگ جانە جەدەل ارەكەت ەتۋ ورتالىعىنىڭ مالىمەتىنشە, 112 بىرىڭعاي بايلانىس ورتالىعى جەدەل جاردەم, پوليتسيا جانە ءورت قىزمەتى سۇراقتارىن/ماسەلەلەرىن بىرىكتىرەدى. تۇجىرىمدامانىڭ نەگىزىنە اقش-تاعى 911 شۇعىل قىزمەتتىڭ تاجىريبەسى الىندى, وندا جەدەل ارەكەت ەتۋدىڭ ناقتى ۇلگىسى قالانعان.
اتالعان جاڭا قىزمەتتىڭ ءتۇرىن قۇرۋ تۋرالى ماسەلەنى استانا اكىمى باقىت سۇلتانوۆ ەلوردالىق جەدەل جاردەم ستانتسياسىنىڭ بازاسىن ارالاۋ ساپارىندا تالقىلادى. جۇمىس توبىنا استانا اكىمدىگىنىڭ, «جەدەل جاردەم» مكك, پوليتسيا دەپارتامەنتى, تج بويىنشا دەپارتامەنتى جانە (iKomek) «قالالىق مونيتورينگ جانە جەدەل ارەكەت ەتۋ ورتالىعى» مكك وكىلدەرى كىردى. كوميسسيا وكىلدەرى 103 قىزمەتىنىڭ ديسپەتچەرلىك ءبولىمىنىڭ جۇمىسىمەن تانىسىپ, شۇعىل قىزمەتتىڭ نومەرلەرىن بىرىكتىرۋدە نەنى ەسەپكە الۋ قاجەتتىگى تۋرالى ماسەلەنى تالقىلادى.
«112 بىرىڭعاي بايلانىس ورتالىعى جۇمىستىڭ تيىمدىلىگىن جوعارىلاتىپ, شاقىرتۋعا جەدەل ارەكەت ەتۋى ءتيىس, ياعني 911 شۇعىل قىزمەتىنىڭ ۇزدىك تاجىريبەسىن قولدانۋى ءتيىس», - دەدى ەلوردا اكىمى باقىت سۇلتانوۆ.
ەسكە سالا كەتەيىك, استانا بۇعان دەيىن اقش-تىڭ 109 قالالىق شۇعىل ەمەس سۇراقتار بويىنشا بىرىڭعاي نومەرىن قۇرۋداعى تاجىريبەسىن قولدانعان بولاتىن. بۇگىن 109 نومەرى كوممۋنالدىق قىزمەتتەر, قوعامدىق كولىك, بەو جانە اكىمدىكتەگى باسقارمالاردىڭ بارلىق سۇراقتارىن بىرىكتىرەدى. 11 ايدىڭ ىشىندە iKomek ورتالىعىنا 870 مىڭ ءوتىنىش كەلىپ تۇسسە, ولاردىڭ 99 % قالالىق كوممۋنالدىق قىزمەتتەرمەن وڭدەلگەن.
iKomek-كە ءوتىنىش بەرۋدىڭ تاسىلدەرى:
- Telegram-داعى https://t.me/astanaikomek109_bot چات-بوتىنا حابارلاما جولداۋ;
- www.astana.gov.kz استانا ق. اكىمدىگىنىڭ سايتىنا ساۋال قالدىرۋ;
- الەۋمەتتىك جەلىلەردە #astana109 حەشتەگىمەن جازبا جاريالاپ, بەلگىلەۋ.