تۇركىستان وبلىسى اكىمى جانىنداعى «ىرىس الدى – ىنتىماق» قوعامدىق فورۋمى اياسىندا وتكەن القالى جيىندى ءوڭىر باسشىسى جانسەيىت تۇيمەباەۆ «تۇركىستان تۇعىرى – تەكتىلىك پەن تاتۋلىق» دەپ اتاۋدى ۇسىندى.
نەگىزگى ماقساتى ەلباسىنىڭ « ۇلى دالانىڭ جەتى قىرى» ماقالاسى شەڭبەرىندە اتقارىلىپ جاتقان جانە جوسپارلانعان جۇمىستاردى, پىكىر-ۇسىنىستاردى تالقىلاۋ بولاتىن جيىندا جازۋشى مارحابات بايعۇت, سارىاعاش اۋدانى ارداگەرلەر كەڭەسىنىڭ توراعاسى مۇستافا سۇلەيمەنوۆ, جەتىساي اۋدانى قوعامدىق كەڭەسىنىڭ توراعاسى تويىم ءجۇنىسوۆ, تاريح عىلىمدارىنىڭ دوكتورى, ارحەولوگ باۋىرجان ءابىش ۇلى, ق.ا.ياساۋي اتىنداعى حقتۋ-نىڭ تۇركولوگ عالىمى سەيسەنباي قۇداسوۆ, حالىقارالىق «تۇركولوگيا» ورتالىعىنىڭ عىلىمي قىزمەتكەرى قازىبەك تاجيەۆ, تاريح عىلىمدارىنىڭ دوكتورى, ارحەولوگ مۇحتار قوجا ءسوز سويلەپ, ءوز ويلارىن ورتاعا سالدى.
ال تۇركىستان وبلىسىنىڭ اكىمى جانسەيىت تۇيمەباەۆ بايانداماسىندا, جيىننىڭ ماڭىزدىلىعىنا توقتالدى. « ۇلى دالانىڭ جەتى قىرى» ماقالاسىندا ەلباسى تۇركىستانعا ارنايى توقتالىپ, ۇلى شاhاردى دامىتۋ ماسەلەسىن ايتتى. مىنە, وسىعان وراي, ماقالادا ايقىن كورسەتىلگەن تاريحىمىز بەن جوبالاردى قولعا الىپ, اۋقىمدى جۇمىستاردى جۇزەگە اسىرۋدا جانە تۇركىستان وبلىسىن دامىتۋعا بارلىعىمىز بىرلىك پەن تاتۋلىقتى تۋ ەتىپ ەڭبەك ەتۋىمىز كەرەك», - دەدى وبلىس اكىمى.
جيىنعا قاتىسۋشىلار ايتىلعان ۇسىنىس-پىكىرلەردى تالقىلاي كەلە, قارار قابىلدادى. سونداي-اق, القالى جيىندا ءوڭىر باسشىسى «بولاشاققا باعدار: رۋxاني جاڭعىرۋ» باعدارلامالىق ماقالاسىنىڭ «تۋعان جەر» ارنايى جوباسى اياسىندا تۋعان جەرىنە سۇبەلى ۇلەس قوسىپ جۇرگەن سىرىم ەرتاەۆ, تالعات ىسقاقوۆ, ايىپحان ايىمبەتوۆ, باعلان سۇگىرباەۆ سىندى ازاماتتاردى «جومارت جۇرەك» سىيلىعىمەن ماراپاتتادى. رۋحاني شارانىڭ سوڭى «وڭتۇستىكتىڭ قاسيەتتى ورىندارى: اڭىز-ءاپسانالار», «وڭتۇستىك قازاقستان وبلىسىنىڭ تاريحي ورىندارى مەن كيەلى جەرلەرى» اتتى كىتاپتاردىڭ تۇساۋكەسەرىنە ۇلاستى.
عالىمجان ەلشىباي,
«ەگەمەن قازاقستان»
تۇركىستان وبلىسى