ماڭعىستاۋ وبلىسى بويىنشا پوليتسيا دەپارتامەنتى باستىعىنىڭ بۇيرىعىمەن 23-27 قاراشا ارالىعىندا وبلىستا جول جانىنداعى جول-كولىك وقيعالارىن بولدىرماۋ ماقساتىندا «جولدا جانۋارعا نازار اۋدار!» اكتسياسى وتكىزىلدى.
وتكىزىلگەن اكتسيا اياسىندا جەرگىلىكتى پوليتسيا قىزمەتى قىزمەتكەرلەرى «تولقىن» مال شارۋاشىلىعىندا ءۇي جانۋارلارىنىڭ يەلەرىمەن كەزدەستى جانە جارىق شاعىلىستىرۋ ەلەمەنتتەرىن پايدالانۋدىڭ ماڭىزدىلىعى تۋرالى الدىن-الۋ سۇحبات وتكىزدى.
تەكسەرۋ قورىتىندىسى بويىنشا, جولداعى بولاتىن جول-كولىك وقيعالارىنىڭ باسىم كوپشىلىگى كەشقۇرىم كەزدە ءۇي جانۋارلارىنىڭ كەسىرىنەن, ياعني جۇرگىزۋشى كەنەتتەن جولعا شىققان جانۋاردى كورمەي قالۋى سەبەپتى ورىن الاتىندىعى انىقتالدى.
- جارىق شاعىلىستىرعىش ەلەمەنتتەردى قولدانۋ قازىرگى تاڭدا بارلىق جانۋارلاردىڭ يەلەرى ءۇشىن وتە ماڭىزدى بولىپ وتىر, ولار جانۋارلاردى ءجيى قاراۋسىز قالدىرادى. مۇنداي ەلەمەنت تۇندە جانۋاردى الىستان جاقسى بايقاۋعا مۇمكىندىك بەرەدى, دەپ اتاپ ءوتتى جپق باستىعى پوليتسيا مايورى م.وماروۆ.
سونداي-اق, اكتسيا بارىسىندا جەرگىلىكتى پوليتسيا اپپاراتىنىڭ قىزمەتكەرلەرى جانۋارلارىن قاراۋسىز قالدىرعان مال شارۋاشىلىعى يەلەرىن اكىمشىلىك جاۋاپكەرشىلىككە تارتىپ, ولارعا جارىق شاعىلىستىرعىش ەلەمەنتىن مىندەتتى تۇردە قولدانۋدى ۇسىندى.
تالاپتى ورىنداماعان جاعدايدا مال شارۋاشىلىعى يەلەرى تومەندەگىدەي اكىمشىلىك قۇقىق بۇزۋشىلىق تۋرالى كودەكسىنىڭ سايكەس باپتارى بويىنشا جاۋاپكەرشىلىككە تارتىلۋى مۇمكىن.
سونداي-اق, ناۋقان اياسىندا جەرگىلىكتى پوليتسيا قىزمەتكەرلەرى اۆتوكولىك جۇرگىزۋشىلەرىمەن الدىن-الا اڭگىمەلەسۋ شارالارىن جۇرگىزدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى