ۋەفا ۇلتتار ليگاسى جارىسىنىڭ قورىتىندىسى بويىنشا قازاقستاننىڭ فۋتبولشىلارى 2020 جىلى وتەتىن ەۋروپا بىرىنشىلىگىنىڭ ىرىكتەۋ تۋرنيرىندە بەسىنشى سەبەتكە ءتۇستى. بۇل سەبەتتە بىزدەن بولەك, ماكەدونيا, كوسوۆو, بەلارۋس, ليۋكسەمبۋرگ, ارمەنيا, ءازىربايجان, مولدوۆا, گيبرالتار جانە فارەر ارالدارى بار.
ال وزگە سەبەتتەردە مىنا ەلدەردىڭ ۇلتتىق قۇراما كوماندالارى بار: 1 سەبەت – شۆەيتساريا, پورتۋگاليا, گوللانديا, انگليا, بەلگيا, فرانتسيا, يسپانيا, يتاليا, حورۆاتيا جانە پولشا. 2 سەبەت – گەرمانيا, يسلانديا, بوسنيا مەن گەرتسەگوۆينا, ۋكراينا, دانيا, شۆەتسيا, رەسەي, اۆستريا, ۋەلس جانە چەحيا.
3 سەبەت – سلوۆاكيا, تۇركيا, يرلانديا, سولتۇستىك يرلانديا, شوتلانديا, نورۆەگيا, سەربيا, فينليانديا, بولگاريا جانە يزرايل.4 سەبەت – ۆەنگريا, رۋمىنيا, گرەكيا, البانيا, چەرنوگوريا, كيپر, ەستونيا, سلوۆەنيا, ليتۆا جانە گرۋزيا. 6 سەبەت – لاتۆيا, ليحتەنشتەين, اندوررا, مالتا جانە سان-مارينو.
ەستەرىڭىزگە سالا كەتەيىك, 2020 جىلى وتەتىن ەۋروپا بىرىنشىلىگىنە ىرىكتەۋ ءتۋرنيرىنىڭ جەرەبەسى ۇستىمىزدەگى جىلدىڭ 2 جەلتوقساندا يرلانديانىڭ استاناسى – دۋبلين قالاسىندا تارتىلادى. ال جارىستىڭ ءوزى كەلەسى جىلدىڭ ناۋرىز ايىندا باستالادى.
عالىم سۇلەيمەن,
«ەگەمەن قازاقستان»