كوشەنى جارىقتاندىرۋ جەلىلەرىن سالۋ اعىمداعى جىلى باستالىپ, 2019 جىلدىڭ سوڭىنا دەيىن جالعاسادى, دەپ حابارلايدى اتىراۋ وبلىسىنىڭ وڭىرلىك كوممۋنيكاتسيالار قىزمەتى.
بۇل تۋرالى وكق وتكەن بريفينگتە اتىراۋ وبلىسىنىڭ ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى مۇرات يعاليەۆ مالىمدەدى.
سپيكەر ءوز بايانداماسىندا 2017 جىلدان باستاپ "اتىراۋ قالاسىنداعى كوشە جارىعى جەلىلەرىنىڭ قۇرىلىسىن سالۋ جانە پايدالانۋ" جوباسى مەملەكەتتىك-جەكەمەنشىك ارىپتەستىك اياسىندا ىسكە اسىرىلاتىنىن اتاپ ءوتتى.
- جوبانى «باتىسترانزيت» اق جۇزەگە اسىرادى. ولاردىڭ قازىردىڭ وزىندە تابىستى سەرىكتەستىكتە تاجىريبەسى بار. وتكەن جىلى مەكەمە 19 كوشەدە جارىق ديودتى شامدار ورناتسا, بيىلعى جىلى تاعى 20 كوشەدە جۇمىس اياقتادى. مەملەكەتتىك-جەكەشەلىك ارىپتەستىك بويىنشا ەكى قوسىمشا جوبا اياسىندا قالانىڭ 192 كوشەسىن جارىقتاندىرۋ جۇمىسى جوسپارلانۋدا. سونىمەن قاتار اتىراۋ-يندەر, اتىراۋ-دوسسور تاس جولدارى جارىقتاندىرىلادى, - دەپ مالىمدەدى ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى مۇرات يعاليەۆ.