جەكسەنبى كۇنى الماتىدا دوپتى حوككەيدەن الەم چەمپيوناتى باستالدى
جەكسەنبى كۇنى ءتۇس اۋا كوماندالار ءوز توپتارىنداعى العاشقى ويىندارىن وتكىزدى. «مەدەۋ» مۇز ايدىنىندا ءوتكەن العاشقى ماتچتا قازاقستان قۇراماسى نورۆەگيا قۇراماسىمەن كەزدەسىپ, 10:1 ەسەبىمەن ۇتتى. ۇلتتىق قۇرامانىڭ جىگىتتەرى نورۆەگياعا قارسى بارىن سالماسا دا مۇمكىن بولعان جاعدايدىڭ ءبارىن پايدالانۋعا ۇمتىلدى. كوماندانىڭ باس باپكەرى الەكساندر نيكيشوۆ تا قۇرامانى جاساقتاعاندا رەسەي كلۋبتارىندا وينايتىن وتانداستارىمىزدى بەكەر الدىرماعانىن كورسەتتى.
جەكسەنبى كۇنى الماتىدا دوپتى حوككەيدەن الەم چەمپيوناتى باستالدى
جەكسەنبى كۇنى ءتۇس اۋا كوماندالار ءوز توپتارىنداعى العاشقى ويىندارىن وتكىزدى. «مەدەۋ» مۇز ايدىنىندا ءوتكەن العاشقى ماتچتا قازاقستان قۇراماسى نورۆەگيا قۇراماسىمەن كەزدەسىپ, 10:1 ەسەبىمەن ۇتتى. ۇلتتىق قۇرامانىڭ جىگىتتەرى نورۆەگياعا قارسى بارىن سالماسا دا مۇمكىن بولعان جاعدايدىڭ ءبارىن پايدالانۋعا ۇمتىلدى. كوماندانىڭ باس باپكەرى الەكساندر نيكيشوۆ تا قۇرامانى جاساقتاعاندا رەسەي كلۋبتارىندا وينايتىن وتانداستارىمىزدى بەكەر الدىرماعانىن كورسەتتى. راسىن ايتقاندا, قازىر كوماندامىزعا دەم بەرىپ, ونىڭ ويىنىن ۇرشىقشا ءۇيىرىپ ءجۇرگەن سول حوككەيشىلەردىڭ ارقاسىندا ەلىمىز رەسەي, شۆەتسيا, فينليانديا سياقتى ازۋلى ەلدەرمەن يىق تەڭەستىرىپ, جۇلدەلى ورىندارعا تالاسۋعا مۇمكىندىك الىپ وتىر.
سول حوككەيشىلەردىڭ ىشىندە قازىر ءبىزدىڭ قۇرامادا مىنا ويىنشىلار ونەر كورسەتىپ ءجۇر. قاقپاشىلار: اندرەي رەين («دينامو» ماسكەۋ), الەكساندر كوسىنچۋك («دينامو» قازان). قورعاۋشىلار: ميحايل دوبرىنين («ۆولگا» ۋليانوۆسك), دەنيس ماكسيمەنكو («ستارت» تومەنگى نوۆگورود), اندرەي ۆەسەلوۆ ( «بايكال-ەنەرگيا» يركۋتسك), سەرگەي گورچاكوۆ («سكا-نەفتيانيك» حاباروۆسك). جارتىلاي قورعاۋشىلار: ەۆگەني شادرين («بايكال-ەنەرگيا» يركۋتسك), لەونيد بەدارەۆ پەن رۋسلان گالياۋتدينوۆ (ەكەۋى دە «ستارت» تومەنگى نوۆگورود), اندرەي موروكوۆ («ۆەتلاندا» شۆەتسيا), دەنيس سلاۋتين («دينامو» قازان), دميتري زاۆيدوۆسكي («ەنيسەي» كراسنويارسك), ۆياچەسلاۆ ماركين («سكا-نەفتيانيك» حاباروۆسك). شابۋىلشىلار: راۋان ەساليەۆ («ستارت» تومەنگى نوۆگورود), الەكساندر ناسونوۆ («بايكال-ەنەرگيا» يركۋتسك), ۆياچەسلاۆ بروننيكوۆ («رودينا» كيروۆ), سەرگەي پوچكۋنوۆ («سكا-نەفتيانيك» حاباروۆسك). قوسالقى ويىنشىلار: ەسكەندىر نۇعمانوۆ پەن ناريمان تاقىروۆ (ەكەۋى دە «اقجايىق» ورال).وسى تىزىمدە ەسكەندىر نۇعمانوۆ پەن ناريمان تاقىروۆتىڭ عانا ورالدىڭ «اقجايىق» كلۋبىندا وينايتىنىن كورۋگە بولادى. ونىڭ وزىندە ولار ۇلتتىق قۇرامانىڭ قوسالقى قۇرامىنا ءتىركەلگەن. باسقالارىنىڭ ءبارى سىرتتا ونەر كورسەتىپ جۇرگەن وتانداستارىمىز. سونىڭ ىشىندە راۋان ەساليەۆ تە بار. بۇل جاعدايدىڭ سەبەبىن ايتىپ جاتۋ ارتىق بولار. ويتكەنى, ءبىزدىڭ ەلدە ورال قالاسىنان باسقا دوپتى حوككەيدى دامىتىپ جاتقان وڭىرلەردىڭ جوق ەكەنىن مويىنداۋىمىز كەرەك. وسىعان قاراپ ەندى ءبىزدىڭ قازاقستان قۇراماسىنىڭ رەسەيدەن الدىرتقان حوككەيشىلەردىڭ ارقاسىندا بولسا دا ءوز ەلىمىزدە ءوتىپ جاتقان الەم چەمپيوناتىندا ءجۇلدەلى ورىندارعا تالاساتىنىنا سەنگىمىز كەلەدى. ال بۇل ءجۇلدەلى ورىندارعا بىزدەن باسقا رەسەي مەن شۆەتسيا قۇرامالارىنىڭ كۇرەسەتىنى ءسوزسىز. بۇل ەكى قۇراما الەم چەمپيوناتىنداعى العاشقى ويىندارىن دا جەڭىسپەن باستادى. جەڭىسپەن بولعاندا ءىرى ەسەپپەن جەڭىسكە جەتتى. رەسەيلىكتەر اقش كومانداسىمەن كەزدەسىپ, 19:3 ەسەبىمەن ۇتسا, شۆەتسيا مەن فينليانديا اراسىنداعى ويىن 12:0 ەسەبىمەن ءبىتتى. بۇل ەكى قۇرامانىڭ ءبىزبەن بىرگە ءبىر توپتا وينايتىنى بەلگىلى.كەشە كەشكىسىن قازاقستان قۇراماسى اقش-پەن كەزدەستى. بۇگىن رەسەي كومانداسىمەن ويناسا, 2 اقپان كۇنى فينليانديا حوككەيشىلەرىمەن كۇش سىناسادى. سودان كەيىن كوماندالار 4 اقپان كۇنى جارتىلاي فينالدا جولىعادى.جالپى, الەم چەمپيوناتىندا ەلىمىز قۇراما كومانداسى ەكى رەت جۇلدەلى ورىنعا يە بولعان. وسىعان دەيىن ۇلتتىق قۇرامامىز 2003 جانە 2005 جىلدارى قولا مەدالدى يەلەنگەن. ال بىزدەن باسقا ەلدەر ىشىنەن 1957 جىلدان بەرى وتكىزىلىپ كەلە جاتقان الەم چەمپيوناتىندا كسرو/رەسەي 20 رەت, شۆەتسيا 10 جانە فينليانديا ءبىر رەت چەمپيون اتانعان. بۇدان باسقا كسرو/رەسەي 9 كۇمىس, 2 قولا, شۆەتسيا 14 كۇمىس, 7 قولا جۇلدەنى يەلەنسە, فينليانديا 1 كۇمىس, 19 قولا مەدالعا قول جەتكىزگەن. ال نورۆەگيا بولسا 1 كۇمىس, 1 قولا جۇلدەنى جەڭىپ العان.داستان كەنجالين.