وتكەن جەكسەنبى كۇنى ورال قالاسىندا قازاقستان پرەزيدەنتى جۇلدەسى ءۇشىن سامبو كۇرەسىنەن جانە جاۋىنگەرلىك سامبودان الەم كۋبوگى كەزەڭى ءمارەگە جەتتى. ءالەمدىك اۋماقتاعى وسىناۋ بايراقتى باسەكەگە ون جەتى مەملەكەتتىڭ كوماندالارى قاتىستى. ولاردىڭ اراسىندا اقش, گەرمانيا, رەسەي سەكىلدى الىپ ەلدەردىڭ وكىلدەرى بار. ەرلەر اراسىنداعى كۇشتىلەردىڭ كۇشتىسىن انىقتاۋ ءۇشىن 135 سپورتشى بەلدەسسە, ايەلدەر اراسىندا 56 سامبوشى الەم كۋبوگى كەزەڭى ءۇشىن شارشى الاڭعا شىقتى. سونىمەن بىرگە, 33 سپورتشى جاۋىنگەرلىك سامبو بويىنشا باسەكەگە ءتۇستى.
وتكەن جەكسەنبى كۇنى ورال قالاسىندا قازاقستان پرەزيدەنتى جۇلدەسى ءۇشىن سامبو كۇرەسىنەن جانە جاۋىنگەرلىك سامبودان الەم كۋبوگى كەزەڭى ءمارەگە جەتتى. ءالەمدىك اۋماقتاعى وسىناۋ بايراقتى باسەكەگە ون جەتى مەملەكەتتىڭ كوماندالارى قاتىستى. ولاردىڭ اراسىندا اقش, گەرمانيا, رەسەي سەكىلدى الىپ ەلدەردىڭ وكىلدەرى بار. ەرلەر اراسىنداعى كۇشتىلەردىڭ كۇشتىسىن انىقتاۋ ءۇشىن 135 سپورتشى بەلدەسسە, ايەلدەر اراسىندا 56 سامبوشى الەم كۋبوگى كەزەڭى ءۇشىن شارشى الاڭعا شىقتى. سونىمەن بىرگە, 33 سپورتشى جاۋىنگەرلىك سامبو بويىنشا باسەكەگە ءتۇستى.
الەمدىك دەڭگەيدەگى جارقىن دا اسەم ءىرى سپورتتىق شارانىڭ ورال وڭىرىندە وتكىزىلۋى تەكتەن-تەك دەۋگە بولمايدى. ويتكەنى, مۇندا سپورتتىڭ ءدال وسى ءتۇرى بويىنشا ءتالىمدى دە ونەگەلى مەكتەپ قالىپتاسىپ ۇلگەردى. مۇنىڭ ءوزى وبلىس سامبوشىلارىنىڭ قازاقستاندىق دەڭگەيدە عانا ەمەس, سونىمەن بىرگە, الەمدىك اۋقىمدا دا جوعارى جەتىستىكتەرگە جەتۋىنە اسەرىن تيگىزدى. اتاپ ايتقاندا, ءالەمدىك سامبو ساڭلاقتارى قاتارىندا اقجايىقتان شىعىپ, جەڭىس تۋىن جەلبىرەتكەن اسقار شايحيەۆ, ءمۇسىلىم وڭداعانوۆ, قونىس جەتپىسوۆ جانە ەربولات بايباتىروۆتىڭ ەسىمدەرىن اتاعان ءجون.اۋقىمدى سپورتتىق شارانىڭ قۇرمەتتى قوناقتارى قاتارىندا رەسپۋبليكالىق, ەۋروپالىق جانە الەمدىك سامبو فەدەراتسيالارىنىڭ پرەزيدەنتتەرى شاكيزات امزيەۆ, ولەگ اۆرامكين, ۆاسيلي شەستاكوۆ ءجانە سەرگەي ەليسەەۆتىڭ بولۋى سايىس مارتەبەسىن كوتەرە تۇسكەنى انىق.جارىس قورىتىندىسىندا ءجۇلدەلى ورىنداردى قازاقستان, رەسەي جانە گرۋزيا قۇراما كوماندالارى ءبولىستى. ءارتۇرلى سالماق دارەجەلەرى بويىنشا الەم كۋبوگىنىڭ يەگەرلەرى بولاتبەك رايىمقۇلوۆ, ەربولات بايباتىروۆ جانە باعدات جارىلعاسوۆ بولدى. جاۋىنگەرلىك سامبو باسەكەسى ناتيجەلەرى بويىنشا پرەزيدەنت جۇلدەسىن مەدەت ساعىندىقوۆ, تالعات كەنجەعارين جانە رۋستامبەك جەرەنشيەۆ جەڭىپ الدى.تەمىر قۇسايىن.ورال.––––––––––––––سۋرەتتەردە: الەم كۋبوگى كەزەڭىنەن كورىنىستەر.سۋرەتتەردى تۇسىرگەن رافحات حالەلوۆ.