«اتامەكەن» ۇلتتىق كاسىپكەرلەر پالاتاسى توراعاسىنىڭ ورىنباسارى ولجاس ورداباەۆ شەتەلدە IT-سالادا جۇمىس ىستەپ جۇرگەن قازاقستاندىقتاردى ەلگە شاقىرۋدى ۇسىندى, دەپ حابارلايدى قازاقپارات ءتىلشىسى.
«قازىرگى ۋاقىتتا قازاقستاندا IT-مامانداردىڭ ازدىعى بايقالادى. بىراق بۇل دەفيتسيت بارلىق مەملەكەت تاپسىرىستارىنىڭ قازاقستاندىق كومپانيالارعا بەرىلمەۋىمەن بايلانىستى. الەمدە كوپتەگەن قازاقستاندىقتار ءتۇرلى IT-كومپانيالاردا جۇمىس ىستەپ ءجۇر. 300-دە جۋىق قازاقستاندىق Amazon-دا, 100-گە جۋىق ادام Google-دا جۇمىس ىستەيتىنىن ەستىگەندە تاڭ قالدىق. Trip Advisor مەن Booking.com كومپانيالارىنا دا وتانداستارىمىز ءجۇر. سولاردى قايتا شاقىرىپ, قازاقستاندا جۇمىس ىستەۋىنە, ءوز يدەيالارىن جۇزەگە اسىرۋىنا مۇمكىندىك بەرۋ قاجەت», - دەدى ولجاس ورداباەۆ استانادا ءوتىپ جاتقان «Digital Arena - 3» فورۋمىندا.
سونىمەن بىرگە, و.ورداباەۆ تسيفرلىق مەمتاپسىرىستاردى وتاندىق وتاندىق سەنىمدى باعدارلامالىق جاساقتامالاردىڭ سەنىمدى تىزبەسىن قۇرۋدى ۇسىنعانىن ەسكە سالدى.
ء«دال وسىنداي تىزبە رەسەيدە بار جانە وعان ۇلكەن باسىمدىق بەرىلگەن. بارلىق ارينە, بىزدە دە شەتەلدىك ۆەندەرلار جۇمىس ىستەپ جاتىر, كەي سەكتورلاردا ولاردىڭ ورنىن باسا المايمىز. بىراق, ءوز ونىمدەرىمىز بار سالالاردا تاپسىرىستار وزىمىزدە قالۋى ءتيىس», - دەدى ولجاس ورداباەۆ.