تارازدا اۋىل شارۋاشىلىعى قىزمەتكەرلەرىنىڭ كۇنى اتالىپ ءوتتى

سونىمەن قاتار, اۋىل شارۋاشىلىعى بويىنشا كونكۋرس قورىتىندىسىمەن ەڭ ۇزدىك كورسەتكەن اۋداندار انىقتالدى. ەڭ ۇزدىك اۋداندى انىقتاۋ ءۇشىن اۋىل شارۋاشىلىعى سالاسى بويىنشا اعىمداعى جىلدىڭ ون ايىندا اتقارىلعان جۇمىستارعا سايكەس, ون نەگىزگى كورسەتكىشتەر بويىنشا ساراپتاما جۇرگىزىلگەن. ساراپتاما ناتيجەسىندە جامبىل اۋدانى ءبىرىنشى ورىندى, مەركى اۋدانى ەكىنشى ورىندى, ال ت.رىسقۇلوۆ اۋدانى ءۇشىنشى ورىندى يەلەندى. سونىمەن قاتار, مال, ەگىن شارۋاشىلىقتارى بويىنشا دا ۇزدىك شارۋا قوجالىقتار, وڭدەۋشى كاسىپورىندار مەن وزىق كووپەراتيۆتەر ماراپاتتالدى. ەڭبەك وزاتتارىنا بەكبولات سەرىكبەك ۇلى اگروونەركاسىپ كەشەنى سالاسىنداعى ۇزاق جىلعى جەمىستى ەڭبەكتەرى ءۇشىن وبلىس اكىمىنىڭ جانە وبلىستىق ءماسليحاتتىڭ قۇرمەت گراموتالارى تابىستادى. ەلىمىزدىڭ اۋىل شارۋاشىلىعى مينيسترلىگىنىڭ «ەڭبەك ارداگەرى» مەدالى, «اۋىل شارۋاشىلىعى سالاسىنىڭ ۇزدىگى» ءتوس بەلگىسى جانە قۇرمەت گراموتالارى وبلىس شارۋالارىنا تابىستالدى.

شارا بارىسىندا كەنەن ازىرباەۆ اتىنداعى وبلىستىق فيلارمونيانىڭ ونەرپازدارى ءان مەن بيدەن شاشۋ شاشتى.

ايتا كەتەيىك, بيىلعى جىلى اتالعان سالاعا 17,6 ميلليارد تەڭگە بولىنگەن. ونىڭ ىشىندە رەسپۋبليكالىق 7902,3 ميلليون تەڭگە بولسا, وبلىستىق بيۋدجەتتەن 9760,2 ميلليون تەڭگە بولىنگەن. سونىمەن قاتار, بيۋدجەتتىك كرەديت جانە ترانسفەرتتەرگە 5278,1 ميلليون تەڭگە, ال سۋبسيديالارعا 11,880,2 ميلليون تەڭگە بولىنگەن. اعىمداعى جىلدىڭ 10 ايىندا اۋىل شارۋاشىلىعى ءونىمىنىڭ جالپى كولەمى 230 ميلليارد تەڭگەنى قۇراپ, وتكەن جىلمەن سالىستىرعاندا 104 پايىزدى قۇرادى. ال اعىمداعى جىلى پايدالانىلماي جاتقان جەرلەردى اينالىمعا ەنگىزۋ ارقىلى اۋىل شارۋاشىلىعى داقىلدارىنىڭ ەگىس كولەمى 669 مىڭ گەكتارعا ورنالاستىرىلىپ, وتكەن جىلمەن سالىستىرعاندا 39 مىڭ گەكتارعا ارتتى.

حاميت ەسامان,

«ەگەمەن قازاقستان»

جامبىل وبلىسى