كاسىپكەرلىككە قولبايلاۋ جاعدايلار ايتىلدى

اقتوبە وبلىسىنداعى جىلىجاي, مال بورداقىلاۋ, ولاردىڭ ونىمدەرىن وڭدەۋ جانە وتكىزۋ, سونىڭ ىشىندە ەكسپورتقا شىعارۋ تاجىريبەلەرىمەن تانىسۋ بارىسىندا «Izet Greenhouse» جىلىجا­يىندا, «ايبەك» اۋىلشارۋاشىلىعى وندىرىستىك كووپەراتيۆىندە, «رايىمقۇل» شارۋا قوجالىعىندا, 13 مىڭ باس سيىر ۇستاۋعا ارنالعان «العا مال بورداقىلاۋ» جانە «العا ەت ءوندىرۋ» كەشەندەرىندە بولىپ, ەڭبەك ۇجىمدارىمەن كەزدەستى. كاسىپكەرلەرمەن پىكىرلەسۋ كەزىندە مەملەكەت تاراپىنان قولداۋ, اكىمشىلىك كەدەرگىلەر, ەكسپورتقا شىعارۋدا تۋىنداپ وتىرعان ماسەلەلەر, جۇمىس قولىنىڭ جەتىسپەۋشىلىگى تۋرالى ۇسىنىستار ايتىلدى.

س.ەڭسەگەنوۆ ساپار اياسىندا اتى­راۋ وبلىسى, يساتاي اۋدانى جانباي اۋىلدىق وكرۋگىنە قارايتىن قىزتۋعان ۋچاسكەسىندەگى بالىق ءونىمىن وڭدەۋ جانە قايتا وڭدەۋ كاسىپورنىندا دا بولدى. 12 ساعاتتا 3 توننا بالىق ونىمدەرىن وڭدەيتىن «شاعالا اتىراۋ» كاسىپورنىنىڭ باس­­شىسى ابدولxاسان ۇعىباي ءوندى­رىس­تىڭ ەكونوميكالىق جاعدايىمەن تا­نىستىرا كەلىپ, اتىراۋ وبلىسى اكىمىنىڭ قول­داۋىمەن «جايىق» ءموب مەكەمەسىنىڭ ەلەكتر جەلىسىنە قوسىلىپ جارىق الىپ وتىرعانىن ايتتى. سونداي-اق «قازاگرو» اق ارقىلى جابدىقتار تولىق الىنىپ, قۇراستىرىلىپ ورناتىلعان, الايدا قازىرگى ۋاقىتتا ءوسىمىن قوسقاندا مەكەمەنىڭ 106 ميلليون تەڭگە بەرەشەگى بار. ءوندىرىس ىسكە قوسىلعاندا 80 ادام تۇراقتى جۇمىسقا الىنادى, دەيدى كاسىپكەر.

بىراق كاسىپورىن ىسكە قوسىلماي تۇر. ونىڭ سەبەپتەرى: بالىق اۋلاۋعا ليميت جوق (بۇل جەردە وبەكتيۆتى سەبەپتەر بار), جايىق وزەنى بويىنداعى ءبولىنىپ قالعان كولشىكتەر تاۋارلى بالىق ءوسىرۋ ءۇشىن بەرىلمەي وتىر, مەملەكەت ەسەبىنەن ينۆەستيتسيالىق سۋبسيديالاۋدا شەشىلمەي تۇرعان ماسەلەلەر بار. «مۇنداي كەدەرگىلەر ىسكە دەگەن قۇلشىنىستى سۋ سەپكەندەي باسادى ەكەن, بىراق ءۇمىتىم ۇزىلگەن جوق», دەگەن كاسىپكەر جۇمىسىن جالعاستىرۋدا. شاعىن كاسىپورىن, تۇراقتى جۇمىس ورنى اشىلعاندا مەملەكەتتىك ورگاندار تاراپىنان ناقتى قولداۋ بولسا جۇمىسى جاندانىپ كەتەتىنى, ال سوزبۇيدالىققا سالىنسا, كاسىپكەرلىك سالاسى ەشكىمنەن قولداۋ تاپپاسا, جابىلىپ قالاتىنى ايتىلدى.