ۇكىمەت ۇيىندە قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتاەۆ قازاقستان بويىنشا حالىقارالىق ۆاليۋتا قورى ميسسياسىنىڭ باسشىسى مارك حورتوننىڭ باسشىلىعىمەن كەلگەن ميسسيا مۇشەلەرىمەن كەزدەستى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەزدەسۋ بارىسىندا تەحنيكالىق ءوزارا ءىس-قيمىل سالاسىندا جانە ماكروەكونوميكالىق پەرسپەكتيۆالاردىڭ ءتۇرلى ماسەلەلەرى, سالىق-بيۋدجەت جانە ينۆەستيتسيالىق ساياساتتاردى جەتىلدىرۋ, سونىڭ ىشىندە پرەزيدەنتتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىن ىسكە اسىرۋ اياسىندا حۆق-مەن ىنتىماقتاستىق الەۋەتىن ودان ءارى دامىتۋ ماسەلەلەرى تالقىلاندى.
ەلىمىزدەگى قۇرىلىمدىق رەفورمالار ماسەلەلەرىنە, «نۇرلى جول», «100 ناقتى قادام», جەكەشەلەندىرۋ باعدارلامالارىن ىسكە اسىرۋ, سونداي-اق استانا حالىقارالىق قارجى ورتالىعىنىڭ قىزمەتى ماسەلەلەرىنە ەرەكشە كوڭىل ءبولىندى.