وڭىردەگى ەنەرگيا تيىمدىلىگى مەن ەنەرگيا ۇنەمدەۋدى ارتتىرۋ شارالارى تۋرالى ماسەلەنى ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى باسشىسىنىڭ مىندەتىن اتقارۋشى جاندوس ساليموۆ مالىمدەدى.
اعىمداعى جىلى «ەلەكتر ەنەرگياسىن جانە ەنەرگيا ۇنەمدەۋدى دامىتۋ ينستيتۋتى» (قازاقەنەرگوساراپتاما) اق-مەن بىرىگىپ قاراقيا اۋدانىنىڭ 2 ءبىلىم بەرۋ ۇيىمىندا, ياعني جەتىباي سەلوسى №3 مەكتەپ 84 ميلليون تەڭگە, مۇنايشى سەلوسى بالاۋسا بالا-باقشا 24 ميلليون تەڭگە, جالپى قۇنى 108 ميلليون تەڭگە قۇرايتىن ەنەرگيا ۇنەمدەۋ تەحنولوگيالارىن پايدالانا وتىرىپ جوندەۋ جۇرگىزىلدى. ناتيجەدە, 45%-عا دەيىن ەلەكتر قۋاتى جانە 30%- عا دەيىن جىلۋ ۇنەمدەلدى.
سونداي-اق, وسى باعىتتاعى جۇمىستاردى ودان ءارى قاراي ىسكە اسىرۋ ءۇشىن «ەلەكتر ەنەرگياسىن جانە ەنەرگيا ۇنەمدەۋدى دامىتۋ ينستيتۋتى» (قازاقەنەرگوساراپتاما) اق-مەن بىرلىكتە 548,209 ميلليون تەڭگەگە اقتاۋ قالاسىنداعى 22 مەكتەپتىڭ جارىق شامدارى جۇيەلەرىن پايدالانۋ جانە جاڭارتۋ كونتسەپتسياسى جاساقتالدى. جوباعا سايكەس 22 072 دانا جارىقشام, 48 770 دانا ەلەكتر شامداردى اۋىستىرۋ قاراستىرىلعان. ناتيجەسىنەن جىلىنا 35,025 ميلليون تەڭگە قاراجاتتى نەمەسە 44,68% دەيىن ەلەكتر قۋاتىن ۇنەمدەۋ مۇمكىندىگى كۇتىلەدى.
بۇگىنگى تاڭدا پيلوتتىق تارتىپتە قوسىلاتىن تۇرعىن ۇيلەردە جىلۋ, ەلەكتر ەنەرگياسى, سۋ ءۇشىن ورتاق ۇيلىك ەسەپكە الۋ اسپاپتارى ورناتىلىپ, ەسەپكە الۋ اسپاپتارىنان دەرەكتەردى ونلاين رەجيمدە الۋ ىسكە اسىرىلىپ وتىر. سونداي-اق, اعىمداعى جىلدىڭ اياعىنا دەيىن دەرەكتەردى ونلاين رەجيمدە بەرۋ مۇمكىندىگى بار جانە اۆتوماتتاندىرىلعان جىلۋ پۋنكتىن ورناتۋ جوسپارلانۋدا. بۇل جىلۋ بەرۋ ماۋسىمى كەزىندە 11,0 ميلليون تەڭگە ۇنەمدەۋگە مۇمكىندىك بەرەدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى