جامبىلدا جاستار فورۋمى ءوتتى

اتالعان فورۋمعا «نۇر وتان» پارتياسى وبلىستىق فيليالى تور­اعا­سىنىڭ ورىنباسارى شابدەن تىلەۋمۇرات, وبلىستىق جاستار سايا­ساتى ماسەلەلەرى باسقارماسىنىڭ باسشىسى ءمادي ماتەن, وبلىستىق ءبىلىم باس­قارماسى باسشىسىنىڭ ورىن­باسارى تالعات جامالوۆ, وبلىستىق «جاس وتان» جاستار ق­انا­تىنىڭ توراعاسى ءۋاليحان بولات­بەك قاتىستى.

سونىمەن قاتار فورۋمعا وڭىر­دەگى «جاس ۇلان» ۇيىمىنىڭ وقۋ­­شى­لارىنا جاڭاشا باعىت بەرىپ, جاس­وس­پىرىمدەردى پاتريوتتىققا تاربيە­­لەپ جۇرگەن تالاس, جامبىل, قور­داي, شۋ, بايزاق, مەركى, ت.رىس­قۇلوۆ, جۋا­لى, مويىنقۇم جانە سارى­سۋ اۋدان­­دارىنىڭ تالىمگەرلەرى, ۇي­لەس­تىرۋ­شىلەرى, ال تاراز قالاسى­نان مەك­تەپتەن تىس جۇمىس جانە بالالار شىعارماشىلىق ورتالىعى, ءۇش تىلدە وقىتاتىن مامانداندىرىل­ع­ان دارىندى بالالارعا ارنال­عان مەكتەپ-ينتەرناتى, ءايشى ءبيبى اتىنداعى دارىندى قىز بالالار­عا ارنالعان مامانداندىرىلعان ء«بىلىم-يننوۆاتسيا» مەكتەپ-ينتەرناتى, «دارىن» مەكتەپ-ينتەرناتى, ن.تىلەنديەۆ اتىنداعى مەكتەپ-ين­تەرناتىنىڭ تالىمگەرلەرى مەن ۇي­لەس­تىرۋشىلەرىمەن قاتار اۋداندار مەن قالادان كەلگەن جاسۇلاندىقتار دا قاتىستى. اتالعان فورۋم ايا­سىندا اۋداندىق بەلسەندى جاسۇلان­دىق­تار مەن تالىمگەرلەرگە ارنال­عان سەمينار-ترەنينگتەر ءوتىپ, ورتا­لىق مۇراجايدا ەكسكۋرسيا ۇيىم­داستىرىلدى. سونىمەن قاتار جاستار فورۋمىنا جينالعان كوپشىلىك جاسۇلاندىقتاردىڭ كوڭىلدى فلەشموبىن تاماشالادى. فورۋم بارىسىندا اتالعان ۇيىم قاتارىنا سالتاناتتى تۇردە بەلسەندى وقۋشى­لار قابىلدانىپ, وبلىستىڭ ۇزدىك جاسۇلاندىقتارى مەن تالىمگەرلەرىن «جامبىل وبلىسى «جاس ۇلان» بالالار مەن جاسوسپىرىمدەر ۇيىمى» قوعام­دىق بىرلەستىگىنىڭ ءتورايىمى ايجان الەباەۆا مەن وبلىستىق «جاس وتان» جاستار قاناتىنىڭ توراعاسى ءۋاليحان بولاتبەك ارنايى ديپلومدارمەن ماراپاتتادى.

بۇدان كەيىن مەكتەپتەن تىس جۇمىس جانە بالالار شىعارماشىلىق ورتا­لىعىنىڭ بارابانشىلار توبى, اباي اتىنداعى جامبىل گۋماني­تارلىق كوللەدجىنىڭ ء«ان 13» توبى, قورداي اۋدانىنىڭ «مۇراگەر» تريوسى, «بوزتورعاي» ۇلگىلى ءان-بي ءانسامبلى ونەر كورسەتتى. فورۋمعا جالپى 500-دەن اسا ادام قاتىستى. 

حاميت ەسامان,

«ەگەمەن قازاقستان»

جامبىل وبلىسى