مەكسيكالىق, ورتا سالماق الەم چەمپيونى ساۋل الۆارەستىڭ پروموۋتەرى وسكار دە لا حويا جانكۇيەرلەرى مەن بارلىق بوكس قوعامداستىعىنا «كانەلونىڭ» قازاقستاندىق گەننادي گولوۆكينمەن ءۇشىنشى ايقاستىڭ ءوتۋى مۇمكىن ەكەنىن ايتتى, دەپ حابارلايدى Sports.kz.
دە لا حويا Twitter-دەگى پاراقشاسىندا GGG مەن الۆارەستىڭ ءبىرىنشى ايقاسىنداعى سۋرەتتى جاريالاپ, مىناداي جازبا قالدىردى: « ۇلى ايقاستار بوكس ءۇشىن ءاردايىم جاقسى». جانكۇيەرلەر بۇل جازبانى ءۇشىنشى ايقاستىڭ انونسى رەتىندە قابىلدادى.
گولوۆكين - «كانەلو» ءبىرىنشى ايقاسى داۋلى تەڭ ناتيجەمەن اياقتالدى, ەكىنشى جەكپە-جەكتە مەكسيكالىق سۋديالاردىڭ باسىم داۋىسىمەن جەڭىسكە جەتتى. ايتا كەتەيىك, گولوۆكين رينگكە كەلەسى جىلدىڭ كوكتەمىندە شىعادى دەگەن بولجام بار. ول ءوزىنىڭ سوڭعى كەزدەسۋىن 15 قىركۇيەك كۇنى وتكىزىپ, رەماتچتا مەكسيكالىق ساۋل الۆارەسكە جەڭىلىپ, ورتا سالماقتاعى اتاقتارىنىڭ بارلىعىنان ايىرىلعان بولاتىن.