سپورت ارداگەرلەرى اراسىنداعى وبلىستىق كەڭەستىڭ ۇيىمداستىرۋىمەن وڭىردە ۆولەيبولدىڭ وركەندەۋىنە ەلەۋلى ۇلەس قوسقان, تىنىشتىق قىزمەتىندە ۇزاق جىلدار جەمىستى جۇمىس اتقارعان ۆولەيبولشى نۇرلان ءالحانوۆتى ەسكە الۋعا ارنالعان وبلىستىق تۋرنير بولىپ ءوتتى.
وعان 8 كوماندا: اتاپ ايتقاندا كۇرشىم, تارباعاتاي, استانا, وسكەمەن, وبلىستىق ىشكى ىستەر دەپارتامەنتى, قۇرىلىسشىلاردىڭ مادەنيەت ءۇيىنىڭ تاعى ەكى كوماندا ساڭلاقتارى قاتىستى. ارداگەرلەر ۆولەيبولدى شەبەر وينادى, دوپتى الۋ, سوققى جاساۋ كەزىندە جينالعانداردى ەرىكسىز ءتانتى ەتتى.
سونىمەن تۋرنيردە وبلىستىق ىشكى ىستەر دەپارتامەنتى چەمپيون اتاندى. ەكىنشى, ءۇشىنشى ورىنداردى استانادان كەلگەن قوناقتار مەن قۇرىلىسشىلاردىڭ مادەنيەت ءۇيىنىڭ ۆولەيبولشىلارى يەلەندى. تۋرنيرگە قاتىسقان بارلىق كوماندا مۇشەلەرى ەسكەرتكىش سىيلىقتارمەن ماراپاتتالدى.
وڭداسىن ەلۋباي,
جۋرناليست
شىعىس قازاقستان وبلىسى