تاريحقا تولى تارباعاتاي

كىتاپتى ارحەولوگ ەردەن ورال­­­باي قۇ­راستىرىپ جي­ناق­تاسا, كوركەمدەپ, ەرەكشە دي­زاينمەن جارىققا شىعارىپ قولداۋ كورسەتۋدە «اسىل تاس» كوم­پا­نيا­­­سىنىڭ ديرەكتورى دۋلات تاس­­تەكەەۆتىڭ ەڭبەگى زور. بيىلعى جىلى ءۇشىنشى باسىلىمى جا­­رىققا شىعىپ وتىرعان كىتاپ جە­تى­ بولىممەن تولىقتىرىلعان ەكەن. «ال­تايدان ارقاعا دەيىن...» بولىمىنە كونە زا­مان ەسكەرت­كىشتەرى, ارحەولوگيالىق زەرت­تەۋلەر بارىسى, عالىمداردىڭ زەرتتەۋ ماقالالارى, ساياحاتشى­لاردىڭ ەستە­لىكتەرى ەنسە, «ەر­لىك­كە تولى سول زا­مان» بولى­مىندە قازاق حالقىنىڭ باس­قىن­شىلارعا قارسى ەرلىككە تو­لى كۇرەسى, شىڭعىستاۋ مەن قال­باعا, التاي مەن تارباعاتايعا قايتا قونىستانۋى, ابىلاي حان باستاعان باتىرلار جورىعى, بيلەر مەن قاھارماندار تۋرالى ما­لىمەتتەر كەلتىرىلگەن. وسىلايشا ءوڭىر تا­ريحىن ايشىقتايتىن «حالقىمنىڭ قيلى تاعدىرى», «ەل ءىشى – ونەر كەنىشى», «قۋاتتى شارۋاشىلىق, بۇلجىماس زاڭ – ەل دامۋىنىڭ نەگىزى», ت.ب. بولىمدەر بۇگىندە وسى ءوڭىردىڭ دامۋىنا ۇلەس قوس­قان ازاماتتاردىڭ ەرەن ەرلىكتەرىنە ارنالادى. 

الماناح مەملەكەتتىك سىي­لىقتىڭ يە­گەرى دوسحان جولجاق­سىنوۆتىڭ ال­عىسوزىمەن باستالىپتى. ال وسى يگى ىس­كە قولداۋشى بولىپ جۇرگەن دۋلات تاستەكەەۆ «بايتاق ەلىمىزدىڭ ءار تۇكپىرى جاي­لى قازبالاپ زەرتتەيتىن بول­ساق, ءالى تالاي كىتاپ جازۋعا بو­لادى. ءبىزدىڭ ارمانىمىز – وسى جوبانىڭ ۇلگىسىمەن ءاربىر ولكەنىڭ بەلسەندى ازاماتتارى تۋعان ءوڭى­رى جاي­لى قىزىقتى جازبالار بەرەتىن پاراقشا اشسا, ءسويتىپ قازاقستاننىڭ بۇكىل اۋماعىندا ولكەتانۋ عىلىمىن جانداندىرىپ, ەكوتۋريزمدى دامىتسا... تۋعان ولكە جايلى جاستارعا ءبى­لىم بە­رەتىن, ناسيحاتتايتىن,­ سول ارقىلى وتانىنا دەگەن سۇيىس­پەنشىلىگىن ارتتىرىپ, ەل تاريحىنا دەگەن قۇرمەتىن اسقاقتاتاتىن وسىن­داي الەۋمەتتىك جوبالار كو­بەيە بەرسىن» دەگەن پىكىرىن ءبىل­دىردى.

ەلۆيرا سەرىكقىزى,

«ەگەمەن قازاقستان»

الماتى