گۇلشارا ابدىقالىقوۆا كەڭەس وتىرىسىنا قاتىستى

جيىنعا قازاقستان حالقى اسسام­بلەياسى توراعاسىنىڭ ورىن­باسارى – حاتشىلىق مەڭگەرۋ­شىسى ل.پروكوپەنكو, پارلا­مەنت ءماجىلىسىنىڭ دەپۋتات­تارى, مەملەكەتتىك ورگاندار وكىل­دەرى, قازاقستان حالقى اسسام­بلەيا­سى عىلىمي-ساراپشى­لىق كەڭە­سىنىڭ مۇشەلەرى, اسسام­بلەيانىڭ عىلىمي-ساراپشى­لىق توپتارى مەن كافەدرا­لارى­نىڭ جەتەكشىلەرى, قوعام قايرات­كەرلەرى, ساراپشىلار, عىلىمي زيا­لى قاۋىم, ەتنومادەني بىرلەس­تىكتەر وكىلدەرى قاتىستى.

گۇلشارا ابدىقالىقوۆا قۇت­تىقتاۋ سوزىندە ەلباسى نۇرسۇلتان نازارباەۆتىڭ: «بارلىق كەزەڭدە دە تابىسقا دەگەن نىق سەنىم مەن حالىقتىڭ بىرلىگى عانا ەل تاع­دىرىن شەشكەن. بىرلەسكەن كۇش-جىگەرىمىزدىڭ ارقاسىندا عانا ءبىز ۇلى اسۋلاردى باعىندىرا الامىز», دەگەن سوزىنە توقتالدى.

مەملەكەتتىك حاتشى ءار­بىر قازاقستاندىقتىڭ جاڭعىرۋ­لار ۇدەرىسىنە اتسالىسۋ سە­زى­مىن قالىپتاستىرۋ جولىن­داعى قازاقستان حالقى اسسامبلەيا­سى­نىڭ قىزمەتىن عىلىمي-ساراپ­شىلىق تۇرعىدان قولداۋدىڭ ما­ڭىزدىلىعىنا, سونداي-اق قو­عامدىق ساناعا «رۋحاني جاڭ­عى­رۋدىڭ» بىرىكتىرۋشى ءارى جاسام­پاز­دىق الەۋەتىن تەرەڭ ءسىڭىرۋ قاجەتتىگىنە توقتالدى.

– پرەزيدەنت جاريالاعان جاس­تار جىلى اياسىندا جاستارعا جانە وتباسى ينستيتۋتىنا قولداۋ كور­سەتۋ عىلىمي-ساراپشىلىق جۇ­مىستىڭ ماڭىزدى باعىتى بولۋعا ءتيىس, – دەدى مەملەكەتتىك حاتشى.

وتىرىستا جۇرگىزىلگەن زەرت­تەۋلەر ناتيجەلەرى مەن الەۋ­مەتتىك-دەموگرافيالىق جانە ەتنوسارالىق سالاداعى 2019-2020 جىلدارعا ارنالعان عى­لى­مي جۇمىستار جوسپارلارى, سون­داي-اق قازاقستان حالقى اسسام­بلەياسىنىڭ «قازاقتانۋ», « ۇلى دالا ەلىنىڭ كيەلى مۇراسى» جوبالارىنىڭ جۇزەگە اسىرىلۋ بارىسى تالقىلاندى.

شىعىس قازاقستان وبلىستىق تاريحي-ولكەتانۋ مۋزەيىنىڭ «دا­لا امىرشىلەرىنىڭ التىنى» كور­مەسى مەن ە.بوكەتوۆ اتىنداعى قار­مۋ-ءدىڭ سارىارقا ار­حەو­لوگيالىق ينستيتۋتىنىڭ كورمەسى ۇيىمداستىرىلدى. عىلىمي-سا­راپشىلىق كەڭەس مۇشەلەرىنىڭ, ءال-فارابي اتىنداعى قازۇۋ-ءدىڭ قازاقستان حالقى اسسامبلەياسى كافەدراارالىق عىلىمي-اعارتۋ ورتالىعىنىڭ جانە ە.بوكە­توۆ اتىنداعى قار­مۋ-ءدىڭ قا­زاق­ستان حالقى اسسام­بلەيا­سى كا­فەد­راسىنىڭ جاڭا عىلىمي ماتە­ريال­دارىنىڭ تانىستىرىلىمى ءوتتى.

بەكەن قايرات ۇلى,

«ەگەمەن قازاقستان»