قازاقستاندىق كاسىپقوي بوكسشى جانىبەك الىمحان ۇلى ەل-پاسودا (اقش, تەحاس شتاتى) وتكەن بوكس كەشىندە امەريكالىق ۆون الەكساندردى جەڭدى, دەپ حابارلايدى vesti.kz.
ورتا سالماقتا جۇدىرىقتاساتىن بوكسشىلاردىڭ جەكپە-جەگى جوسپارلانعان 8 راۋندقا سوزىلدى. بۇل قازاقستاندىق بوكسشىنىڭ ەڭ ۇزاققا سوزىلعان جەكپە-جەگى بولدى.
شارشى الاڭداعى شايقاستا شيراق قيمىلدارى, جويقىن سوققىلارىمەن كوزگە تۇسكەن جانىبەك ءالىمحان ۇلى تورەشىلەر شەشىمى بويىنشا جەڭىسكە جەتتى. بۇل – قازاقستاندىق بوكسشىنىڭ كاسىپقوي رينگ تورىندەگى ءتورتىنشى جەڭىسى.
ايتا كەتەيىك, جانىبەك ءالىمحان ۇلى ايگىلى Top Rank پروموۋتەرلىك كومپانياسىمەن كەلىسىمشارت جاساسقان تۇڭعىش قازاق. اۋەسقوي بوكستا جانىبەك قازاقستاننىڭ 9 دۇركىن چەمپيونى, ازيا جانە ازيا ويىندارىنىڭ جەڭىمپازى. 2013 جىلى الماتىدا وتكەن الەم چەمپيوناتىندا توپ جارعان بوكسشى. وليمپيادا ويىندارىنىڭ قاتىسۋشىسى.
ەل-پاسوداعى بوكس كەشىندە قازاقستاندىق تاعى ءبىر بوكسشى ساعادات راحمانقۇلوۆتا جەكپە-جەككە شىقتى. ول پۋەرتو-ريكالىق نيكلاۋس فلازعا تورەشىلەر شەشىمى بويىنشا جول بەرىپ, مانسابىندا العاش رەت جەڭىلىستىڭ كەرمەك ءدامىن تاتتى.