تۋرنير دزيۋ-دودان كسرو سپورت شەبەرلىگىنە ۇمىتكەر بالامۇرات اقشاباەۆتى ەسكە الۋعا ارنالدى. بيىل 9-شى رەت وتكىزىلىپ وتىرعان تۋرنير بۇعان دەيىن سپورتشىنىڭ تۋعان ولكەسى بەينەۋ اۋدانىندا وتكىزىلىپ كەلگەن بولاتىن.
جىل سايىن قاتىسۋشىلار سانىنىڭ ارتۋى, رەسپۋبليكا اۋماعىنان بولەك, كورشى ەلدەردەن سۇرانىستىڭ كوپ بولۋى ناتيجەسىندە حالىقارالىق سيپات الىپ, اقتاۋ قالاسىندا ۇيىمداستىرىلا باستادى. بيىلعى جىلى تۋرنيرگە قازاقستاننىڭ بارلىق وبلىستارىنان, وزبەكستان, قىرعىزستان رەسپۋبليكالارىنان 600-گە جۋىق سپورتشى قاتىسۋدا. سپورتشىلار اراسىندا 200-گە تارتا ۇمىتكەر - ماڭعىستاۋلىق ورەندەر.
-بالامۇرات اقشاباەۆ 16 جاسىنان باستاپ كاسىبي سپورتپەن اينالىسا باستاعان. رەسپۋبليكالىق, حالىقارالىق دودالاردا توپ جارعان ول ومىردەن جاستاي كەتەدى. ماڭعىستاۋ وبلىسى اكىمدىگىنىڭ, سپورت باسقارماسىنىڭ قولداۋىمەن جەرلەستەرى, ۇرپاقتارى, باۋىرلارى جىل سايىن بالامۇرات اقشاباەۆ اتىنداعى ءتۋرنيردى وتكىزۋدى داستۇرگە اينالدىرىپ كەلەدى. سۇرانىستىڭ ارتۋى – ءتۋرنيردىڭ حالىقارالىق سيپاتقا يە بولۋىنا جول اشتى, دەيدى ماڭعىستاۋ وبلىسىنىڭ دەنە شىنىقتىرۋ جانە سپورت باسقارماسى باسشىسىنىڭ م.ا. نۇربەك قارابالاەۆ.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى