بەلارۋسيانىڭ مينسك قالاسىندا «حالىقارالىق تورەلىك سوت جانە ينتەگراتسيالىق پروتسەستەردى نىعايتۋ» اتتى حالىقارالىق كونفەرەنتسيا باستالدى.
ەۋرازيالىق ەكونوميكالىق وداقتىڭ سوتى ۇيىمداستىرعان ءىس-شاراعا قر پارلامەنت دەپۋتاتى ا. جايلعانوۆا, قر ادىلەت مينيسترلىگى زاڭناما ينستيتۋتىنىڭ وكىلدەرى ج. تلەمباەۆا, ءا.يرجانوۆ, سونداي-اق حالىقارالىق سوتتاردىڭ سۋديالارى, ەەو مۇشە مەملەكەتتەردىڭ بيلىك ورگاندارى باسشىلارى, جوعارى سوت سۋديالارى, عىلىمي قوعامنىڭ وكىلدەرى جانە پراكتيك زاڭگەرلەر قاتىستى.
حالىقارالىق كونفەرەنتسيا بارىسىندا زاڭناما ينستيتۋتى ديرەكتورىنىڭ ورىنباسارى, دوتسەنت ج. تلەمباەۆا «ەەو سوتى شەشىمدەرىنىڭ قۇقىقتىق بولمىسى» تاقىرىبىندا بايانداما وقىدى.
سونىمەن قاتار, زاڭناما ينستيتۋتىنىڭ عىلىمي قىزمەتكەرى ءا. يرجانوۆ قاتىسۋشىلارعا «ەەو سوتى جانە ۇلتتىق سوت ورگاندارىنىڭ ءوزارا ءىس-قيمىل پروبلەمالىق اسپەكتىلەرى» اتتى عىلىمي ماقالاسىن ۇسىندى. ءىس-شارا بارىسىندا پلەنارلىق وتىرىس بولدى, وندا ينتەگراتسيالىق پروتسەستەردى دامىتۋداعى حالىقارالىق سوت ورگاندارىنىڭ ءرولى تۋرالى ايتىلدى.
سونداي-اق, ەەو قۇقىعىنىڭ دامۋ تەندەنتسيالارى, حالىقارالىق سوت تورەلىگى ورگاندارى مەن ۇلتتىق سوتتار اراسىنداعى ءوزارا بايلانىس, ەاە قۇقىعىن بيزنەستى قورعاۋ ينسترۋمەنتى رەتىندە پايدالانۋ, ەەو سوتتىنىڭ قۇقىقتىق نەگىزگى قىزمەتىن جەتىلدىرۋ تاقىرىبىندا ديسكۋسسيالىق وتىرىستار ۇيىمداستىرىلدى.