سولتۇستىك قازاقستاندا حالىق اقىنىنا ارنالعان رەسپۋبليكالىق عىلىمي-تاجىريبەلىك كونفەرەنتسيا ءوتتى.
حالىق اقىنى يگىباي الىباەۆتىڭ 115 جىلدىعىنا وراي م.قوزىباەۆ اتىنداعى سقمۋ-دە «ي.الىباەۆ مۇراسى جانە رۋحاني جاڭعىرۋ قۇندىلىقتارى» تاقىرىبىندا رەسپۋبليكالىق عىلىمي-تاجىريبەلىك كونفەرەنتسيا ءوتتى.
ۋنيۆەرسيتەت قابىرعاسىندا ۇيىمداستىرىلعان كونفەرەنتسيادا اقىننىڭ شىعارماشىلىعى, وسكەن ورتاسى, اقىندىق ءداستۇرى كەڭىنەن اڭگىمەلەنىپ, مۇراسىن جاستارعا جەتە تانىستىرۋ ماقساتىندا مەكتەپ باعدارلاماسىنا ەنگىزۋ ماسەلەسى كوتەرىلدى. س
«ي.الىباەۆ قوجابەرگەن جىراۋ, سەگىز سەرىدەن كەلە جاتقان حالىقتىق, ادەبي ءداستۇردى جالعاستىرىپ, كەڭەستىك داۋىردە ايتىس ونەرىن جانداندىرۋشىلاردىڭ بولعانىن قازىرگى بۋىن بىلە بەرمەيدى. رەسپۋبليكاداعى العاشقى ايتىستاردىڭ ءبىرى قىزىلجار وڭىرىندە وتكەن. وندا يگەكەڭ توپ جارىپ, تۇڭعىش «حالىق اقىنى» اتاعىنا يە بولعان», دەدى ش. ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ پروفەسسورى ءسابيت جامبەك.
دوكتورانت عاريفوللا ابىلقاسوۆ كەشەگى سال-سەرىلەردىڭ سارقىتى, سوڭعى تۇياعى سانالعان ايتىس اقتاڭگەرىنىڭ ەسىل جانە كوكشە وڭىرىنە ورتاق ءتولتۋم اقىن ەكەنىن, كەرەمەت انشىلىگى, سۋىرىپسالما اقىندىعى, ءسوز تاپقىرلىعى ءالى دە زەردەلەۋدى قاجەت ەتەتىنىن جەتكىزدى.
ءبىر وكىنىشتىسى, تۋعان اۋىلى-ايتۋارداعى مەكتەپكە اقىن اتىن بەرۋ جونىندەگى شەشىم اياقسىز قالدى, دەستى جيىندا سويلەۋشىلەر.
رەسپۋبليكالىق كونفەرەنتسياعا استانا, الماتى, قاراعاندى, كوكشەتاۋ جانە تاعى دا باسقا قالالاردان 30-عا جۋىق بايانداما ءتۇسىپ, وقىلدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى