ق.توقاەۆ دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى ت.گەبرەيەسۋسپەن استانا فورۋمىنىڭ قورىتىندىسىن تالقىلادى, دەپ حابارلايدى پارلامەنت سەناتىنىڭ ءباسپاسوز قىزمەتى.
پارلامەنت سەناتىنىڭ توراعاسى قاسىم-جومارت توقاەۆ دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى تەدروس گەبرەيەسۋستى قابىلداپ, العاشقى-مەديتسينالىق سانيتارلىق كومەك جونىندەگى الماتى دەكلاراتسياسىنىڭ 40 جىل تولۋىنا وراي ۇيىمنىڭ جاھاندىق كونفەرەنتسياعا قولداۋ كورسەتكەنى ءۇشىن العىس ءبىلدىردى. «قازاقستان ءۇشىن بۇل – ىلگەرىلەۋگە جاساعان ۇلكەن قادام. اتقارىپ وتىرعان جۇمىسىڭىزبەن ماقتانۋعا تولىق نەگىز بار», - دەدى ق.توقاەۆ. ونىڭ ايتۋىنشا, قازاقستان بۇۇ-نىڭ 2030 جىلعا دەيىنگى تۇراقتى دامۋ ماقساتتارىن قولدايدى.
باس ديرەكتور كونفەرەنتسيانىڭ تاريحي ماڭىزىنا توقتالىپ, العاشقى مەديتسينالىق-سانيتارلىق كومەك كورسەتۋ جونىندەگى قابىلدانعان استانا دەكلاراتسياسى حالىققا زاماناۋي تسيفرلى تەحنولوگيالاردى قولدانا وتىرىپ, مەديتسينالىق قىزمەتكە قول جەتكىزۋدى قامتاماسىز ەتۋدە ۇلكەن ءرول اتقاراتىنىن اتاپ ءوتتى. «قازاقستان العاشقى مەديتسينالىق-سانيتارلىق كومەك كورسەتۋدە باستى ءرول اتقارا الادى جانە اتقارۋى ءتيىس. بۇل قازاقستاننىڭ برەندىنە اينالۋى مۇمكىن», - دەپ اتاپ ءوتتى ت.گەبرەيەسۋس. ونىڭ پىكىرىنشە, قازاقستاننىڭ دەنساۋلىق ساقتاۋ سالاسىندا جۇرگىزىپ وتىرعان ساياساتى دامۋشى ەلدەرگە ۇلگى بولا الادى. ول دۇنيەجۇزىلىك دەنساۋلىق ساقتاۋ ۇيىمى «دەكلاراتسيا ءتىلىن – ارەكەتتەر تىلىنە اۋدارۋ» بويىنشا جۇمىستى باستاپ كەتكەنىن دە اتاپ ءوتتى.
سەنات توراعاسى بۇۇ اياسىندا دەنساۋلىق ساقتاۋ سالاسىنداعى حالىقارالىق قىزمەتتى ۇيلەستىرۋدەگى دۇنيەجۇزىلىك دەنساۋلىق ساقتاۋ ۇيىمىنىڭ جەتىستىكتەرىن اتاپ ءوتىپ, قازاقستان پرەزيدەنتى ن.نازارباەۆتىڭ حالىققا جولداۋىنداعى ماڭىزدى ماسەلەلەر, اتاپ ايتقاندا, ءبىلىم بەرۋ, عىلىم مەن دەنساۋلىق ساقتاۋ سالالارىنىڭ شىعىندارىن ىشكى جالپى ءونىمنىڭ 10 پايزىنا دەيىن جەتكىزۋ مىندەتى تۋرالى ايتتى.
دۇنيەجۇزىلىك دەنساۋلىق ساقتاۋ ۇيىمىنىڭ ەۋروپا ايماقتىق بيۋروسىنىڭ ديرەكتورى ج.ياكوب ەلىمىزدىڭ دەنساۋلىق ساقتاۋ سالاسىن بىرتىندەپ دامىتۋ, بالالار مەن نارەستە ءولىمى كورسەتكىشتەرىن تومەندەتۋ مەن تەمەكى تارتۋمەن كۇرەس جونىندەگى جۇمىس دەڭگەيىنە كوڭىلى تولاتىنىن جەتكىزدى. ونىڭ پىكىرىنشە, الماتىدا «بۇۇ ءۇيىن» اشۋ قازاقستان ءۇشىن عانا ەمەس, بارلىق ايماق ءۇشىن وتە ماڭىزدى. ء«بىزدىڭ ۇزاق مەرزىمدى ىنتىماقتاستىعىمىز نىعايا تۇسەتىنىنە سەنەمىن», - دەدى ج.ياكاب.
ق.توقاەۆ سەنات ءوز جۇمىسىندا قازاقستاندىقتاردىڭ دەنساۋلىعىن جاقسارتۋعا باعىتتالعان حالىقارالىق كۇش-جىگەردى زاڭنامالىق تۇرعىدا قولداۋعا ءازىر ەكەنىن جەتكىزدى.