قوستاناي وبلىسى وڭىرىندە 4 كۇنگە سوزىلعان «براكونەر» جەدەل-پروفيلاكتيكالىق شاراسىندا تابيعات قورعاۋ ورگاندارى 56 جەدەل توپ قۇردى. ءۇش كۇن بويى اڭ اۋلايتىن جانە بالىق شارۋاشىلىعىنا, سۋ ايدىندارىنا رەيد جۇرگىزىلدى. 112 رەيد كەزىندە 553 اڭشىلار مەن بالىقشىلار تەكسەرىلدى.
قامىستى اۋدانىندا ۇستالعان ءۇش اڭشى «قىزىل كىتاپقا» ەنگەن قازدى اتقان. ءۇش اڭشىدان 2 قارۋ تاركىلەندى, ولاردىڭ تابيعاتقا كەلتىرگەن شىعىنى 721000 تەڭگەنى قۇراعان. بۇل ءىس بويىنشا سوتقا دەيىنگى تەرگەۋ جۇمىستارى ءجۇرىپ جاتىر.
پوليتسەيلەر رەيدتەر كەزىندە 66 اكىمشىلىك قۇقىق بۇزۋشىلىقتى انىقتادى. ونىڭ ىشىندە 38 ادام زاڭسىز اڭشىلىق جاساعانى, 19 ادام زاڭسىز بالىق اۋلاعانى جانە 9 ادام تىركەلمەگەن قارۋ ساقتاعانى ءۇشىن اكىمشىلىك جاۋاپكەرشىلىككە تارتىلدى. ولارعا 384 775 تەڭگە ايىپپۇل سالىندى.
ءنازيرا جارىمبەت,
«ەگەمەن قازاقستان»
قوستاناي