ماڭعىستاۋعا ىسساپارمەن كەلگەن قوعام بەلسەندىسى, ارنايى مونيتورينگ توبىنىڭ مۇشەسى رافاەل گاسانوۆ اگەنتتىكتىڭ اۋماقتىق دەپارتامەنتى قىزمەتكەرلەرىمەن بىرلەسىپ وبلىستىڭ ەكى ءوڭىرىن ارالاپ, مەملەكەتتىك ورگانداردىڭ قىزمەتىنە باقىلاۋ جۇرگىزدى.
اتاپ ايتار بولساق, قاراقيا اۋدانىنىڭ اكىمدىگىنە, قاراقيا كاسىپتىك كوللەدجىنە, اۋداندىق ورتالىق اۋرۋحاناسىنا, اۋداندىق حالىققا قىزمەت كورسەتۋ ورتالىعانا, سونداي-اق, جاڭاوزەن قالاسىنىڭ اكىمدىگىنە, «ازاماتتارعا ارنالعان ۇكىمەت» مك كە اق-نىڭ ماڭعىستاۋ وبلىسى بويىنشا فيليالىنىڭ حالىققا قىزمەت كورسەتۋ بويىنشا جاڭاوزەن قالالىق بولمشەسىنە, قالالىق ىشكى ىستەر باسقارماسىنىڭ كوشى-قون قىزمەتى بولىمىنە جانە ورتالىق اۋرۋحاناسىنا بارىپ باسشىلارىمەن كەزدەسىپ, اتقارىپ جاتقان قىزمەتتەرىنىڭ ساپاسىن باقىلادى.
باقىلاۋ بارىسىندا ر.گاسانوۆ باسشىلارعا ەلباسىنىڭ كەزەكتى حالىققا ارناعان جولداۋىنا سايكەس مەملەكەتتىك قىزمەتشىلەر مەن حالىق اراسىندا تىعىز بايلانىس ورناتۋ, اكىمشىلىك كەدەرگىلەردى بولدىرماۋ, مەملەكەتتىك قىزمەت تۇرلەرىن ەلەكتروندى نۇسقادا الۋ, تسيفرلاندىرۋدى جانە كەدەرگىسىز ورتانى مونيتورينگىلەۋ ماقساتىندا قالا, اۋدان كولەمىندە كورسەتىلەتىن قىزمەتتەردىڭ حالىققا قولجەتىمدى جانە اشىق بولۋىن اتاپ ءوتتى.
ءوز كەزەگىندە, مەملەكەتتىك ورگان باسشىلارى حالىققا قاجەتتى قىزمەتتەردى تسيفرلاندىرۋ بويىنشا جۇمىستاردى جانە اشىقتىقتى قامتاماسىز ەتۋگە بارلىق جاعداي جاسالاتىنىن جەتكىزدى.
باقىلاۋ بارىسىندا ر.گاسانوۆ مەكەمە باسشىلارىنا قىزمەت ساپاسىن ارتتىرۋ ماقساتىندا بىرقاتار ۇسىنىستار ايتىپ, ءوز ويىمەن ءبولىستى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى