«حابار» ارناسىنىڭ تاپسىرىسىمەن تۇسىرىلگەن «قارلىعاش ۇيا سالعاندا» سەريالىنىڭ الدىن الا كورسەتىلىمى ءوتتى.
12 سەريادان تۇراتىن جاڭا تەلەحيكايانىڭ الدىن الا كورسەتىلىمى «حابار» تەلەارناسىنىڭ 23 جاسقا تولعان كۇنىمەن تۇسپا-تۇس كەلدى. تۇساۋكەسەرگە باستى رولدەردە ويناعان ەركەبۇلان دايىروۆ پەن كامشات جولدىباەۆا, ءفيلمنىڭ ءتۇسىرىلىم توبى, ونەر ادامدارى جانە باق وكىلدەرى قاتىستى.
رومانتيكا مەن دراماعا تولى فيلمدە تۇرمىس قۇرماعان جاسى 30-دان اسقان بويجەتكەننىڭ ءومىرى تۋرالى باياندالادى. تەلەحيكايا جەلىسى بويىنشا قارلىعاش ەسىمدى ارۋ جالعىز ءوزى ۇلكەن ۇيدە ءومىر سۇرەدى. جۇمىسى تابىستى ءجۇرىپ, ەڭ قىمبات دۇكەندەردەن كيىنسە دە, جەكە ءومىرى ءساتسىز بولادى. ال كورشى ۇيدە ايەلىنەن ەرتە ايىرىلعان تاسقىن ەسىمدى زەرگەر 3 كىشكەنتاي قىزىمەن ءومىر سۇرەدى. ءبىر كۇنى تاسقىن جۇمىس بارىسىندا جاراقات الىپ, جەدەل جاردەممەن اۋرۋحاناعا تۇسەدى. اكەلەرىن ۋايىمداپ دالادا قالعان 3 قىزدى تەرەزەدەن كورگەن قارلىعاش ولاردى ءوزىنىڭ ۇيىنە اكەلەدى. وسىدان كەيىن ونىڭ ءومىرى وزگەرە باستايدى.
«تەلەسەريالداعى نەگىزگى ماسەلە – بۇگىنگى ءبىزدىڭ قوعامداعى كارى قىزدار پروبلەماسى. تەلەحيكايادا قىزداردىڭ قىزمەت قۋىپ, تۇرمىسقا كەيىنىرەك شىعا جاتارمىن دەگەن ويلارى كورىنىس تابادى. سەريالدىڭ ىشىندە رومانتيكا, دراما, كومەديا جانرلارى بار. بۇل تۋىندى ارقىلى قىزدار ۋاقىت سوزباي تۇرمىس قۇرىپ, شاڭىراقتى شاتتىققا بولەۋدى جيىرەك ويلاسا دەگەن ويدى جەتكىزگىمىز كەلدى. سونداي-اق سەريالدا انا مەن قىزدىڭ اراسىنداعى قارىم-قاتىناستى دا قوزعادىق. كوپ جاعدايلاردا قىزدىڭ تۇرمىسقا شىعۋىنا اناسى قارسى بولىپ جاتادى. ءبىر سوزبەن ايتقاندا بۇگىنگى قوعامدا بولىپ جاتقان دۇنيەنى كينو ەتىپ تۇسىردىك», دەدى تەلەسەريالدىڭ باس پروديۋسەرى گۇلنۇر ماماساريپوۆا.
باس پروديۋسەردىڭ ايتۋىنشا, تەلەحيكايا 1 اي كولەمىندە الماتى قالاسىندا تۇسىرىلگەن. ال باستى رولدەر ەركەبۇلان دايىروۆ پەن كامشات جولدىباەۆاعا ارنالىپ جازىلعان.
«بۇل سەريالدىڭ ستسەناريى جازىلىپ بولعان ساتتەن مەن بىردەن باستى رولدە كامشات پەن ەركەبۇلان دايىروۆتى كوردىم. ءوزىم ىشىمنەن وسى ەكەۋى ويناۋى كەرەك دەپ شەشىپ قويدىم. ەكەۋىن شاقىرىپ سويلەسىپ, ستسەناريدى وقىتىپ, ءبىر كەلىسىمگە كەلدىك», دەيدى ول.
كامشات جولدىباەۆا بۇعان دەيىن «حابار» اگەنتتىگى تۇسىرگەن «تراكتورشىنىڭ ماحابباتى», «وگەي جۇرەك» تەلەحيكايالارىندا دا ويناعان بولاتىن.
«مەنىڭ كەيىپكەرىمنىڭ وزىمە ۇقساس بىرنەشە تۇستارى بار. جاس ەرەكشىلىگى, ومىردەگى ۇستانىمى مەن العا قويعان ماقساتى, مىنەزى ماعان وتە ۇقساس. بۇگىنگى قوعامداعى ماسەلەنى كوتەرۋ ارقىلى, وتباسى قۇندىلىقتارىن كورسەتكىمىز كەلدى. ءتۇسىرىلىم بارىسى ەشقانداي قيىندىق تۋعىزبادى. ويتكەنى كەيىپكەرىم وزىمە قاتتى ۇقسايدى», دەدى تەلەسەريالداعى قارلىعاشتىڭ رولىندە ويناعان, كامشات جولدىباەۆا.
تەلەحيكايا «حابار» تەلەارناسىندا 29 قازاننان باستاپ ساعات 19:15-تە دۇيسەنبى-بەيسەنبى كۇندەرى كورسەتىلەدى.
مارجان تىلەۋبەك,
«ەگەمەن قازاقستان»