كەشە ءۇندىستاندا مەرەكەدە تويلاپ جۇرگەن حالىقتى پويىز باسىپ وتكەن بولاتىن. وقيعا ورنىندا جارالانعاندار مەن قازا تاپقاندار اراسىندا قازاقستان ازاماتتارى جوق. بۇل تۋرالى قر سىرتقى ىستەر مينيسترلىگىنىڭ ءباسپاسوز قىزمەتى مالىمدەدى.
ء«ۇندىستان توتەنشە جاعدايلار مينيسترلىگىنىڭ الدىن الا حابارلاۋىنشا, زارداپ شەگۋشىلەر اراسىندا قازاقستان ازاماتتارى جوق», - دەدى سىرتقى ىستەر مينيسترلىگىنىڭ ءباسپاسوز حاتشىسى ايبەك سمادياروۆ.
ەسكە سالا كەتسەك, ءۇندىستاندا پويىز مەرەكەگە قاتىسىپ جاتقان حالىقتى باسىپ وتكەنىن حابارلاعان ەدىك. وقيعا ءۇندىستاننىڭ سولتۇستىگىندەگى پەندجاب شتاتىنىڭ امريتسار قالاسىندا بولعان. پويىز مەيرامدى تويلاپ جاتقان حالىقتى باسىپ ءوتىپ, سالدارىنان 60 ادام مەرت بولعان. 100-گە جۋىق ادام جاراقات العان.