قۇتقارۋشىلار مەرەكەسى قارساڭىڭدا سالتاناتتى تۇردە اشىلعان ەسكە الۋ مونۋمەنتى اقتاۋ قالاسىن قورعاۋعا ارنالعان №1 ارنايى مامانداندىرىلعان ءورت ءسوندىرۋ ءبولىمىنىڭ اۋماعىنا قويىلدى. سالتاناتتى جيىنعا قىزمەتكەرلەر, ازاماتتىق قورعاۋ ارداگەرلەرى مەن قالالىق بيلىك وكىلدەرى, قازا تاپقان ءورت سوندىرۋشىلەردىڭ تۋىستارى مەن جاقىندارى قاتىستى.
وبلىس اكىمىنىڭ ءبىرىنشى ورىنباسارى سەرىك قالەش ۇلى امانعاليەۆ ءوز ءسوز كەزەگىندە ءورت سوندىرۋشىلەر مەن قۇتقارۋشىلار ادامدارعا ەشقاشان بەي-جاي قارامايتىن, ءاردايىم كومەكتەسۋگە دايىن ادامدار ەكەندىگىن ايتا كەلىپ, قىزمەتتە جۇرگەن بارلىق ءورت سوندىرۋشىلەرگە العىسىن ءبىلدىردى. سونىمەن قاتار, وسى ەسكەرتكىشتىڭ اشىلۋى ايماق ءۇشىن ماڭىزدى وقيعا ەكەنىن دە اتاپ ءوتتى.
ء«بىزدىڭ ءومىرىمىزدى جانە م ۇلىگىمىزدى ساقتايتىن, بۇكىل ءومىر بويى ءبىزدىڭ گۇلدەنۋىمىز ءۇشىن كۇرەسەتىن ءورت سوندىرۋشىلەردى ءبىز ەرەكشە قۇرمەتتەيمىز جانە قازىر جانىمىزدا جوق بولسا دا جۇرەگىمىزدە قالعان, ومىردەن وتكەن ءورت سوندىرۋشىلەردىڭ جاقىندارى مەن تۋىستارىنا باس يەمىز», دەپ ءسوزىن اياقتادى وبلىس باسشىسىنىڭ ورىنباسارى.
ماڭعىستاۋ وبلىسى توتەنشە جاعدايلار دەپارتامەنتىنىڭ باستىعى, ازاماتتىق قورعاۋ پولكوۆنيگى قۋانار بەكەن ۇلى بازارباەۆ وسى ەسكەرتكىشتىڭ اشىلۋىمەن ءبىز ۋاقىتتى, تاريحىمىزدىڭ ساباقتاستىعىن قالپىنا كەلتىرەمىز. ءبىز بەن سىزدەر ءۇشىن, ەڭ ءبىرىنشى ءوز ءومىرىن ورتتەن قورعاۋعا ارناعان ومىردە جوق ارىپتەستەرىمىزدىڭ بولاشاق ۇرپاقتارى مەن جاقىن- تۋىستارىنا ماڭگى لايىقتى قۇرمەت كورسەتۋدىڭ ماڭىزى زور ەكەندىگىن بارلىق قاتىسۋشىلارعا جەتكىزدى.
جيىنعا قاتىسۋشىلار قازا بولعانداردى 1 مينۋت ۇنسىزدىكپەن ەسكە الىپ, ەسكەرتكىش مانۋمەنتى جانىنا گۇل شوقتارىن قويدى.