رەسەي پرەزيدەنتى ۆلاديمير پۋتين كۋكساروي وزبەكستان پرەزيدەنتى رەزيدەنتسياسىندا شاۆكات ميرزيوەۆپەن كەزدەستى, دەپ حابارلايدى UzDaily.uz.
«رەسەي – وزبەكستاننىڭ ستراتەگيالىق سەرىكتەسى. ەكىجاقتى اتقارىلعان جۇمىستار سەرىكتەستىكتى جاڭا بەلەسكە شىعارىپ, ءار ءتۇرلى باعىتتا جان-جاقتى دامىتىپ جاتىر. سوڭعى جىلدىڭ وزىندە 80-نەن استام كەزدەسۋ بولدى. ەكى ەل اراسىنداعى العاشقى سەرىكتەستىك فورۋمى تاشكەنتتە ءوتىپ وتىر. فورۋمعا رەسەيدەن مىڭنان استام كاسىپكەر, قوعامدىق جانە جەكە سۋبەكت وكىلدەرى كەلدى. جىل باسىنان بەرى تاۋار اينالىمى 30%-كە ءوستى. جاڭا ينۆەستيتسيالىق جوبالار جوسپارلانۋدا», دەدى وزبەكستان پرەزيدەنتى شاۆكات ميرزيوەۆ ءوز سوزىندە.
سونىمەن قاتار, وزبەكستانداعى العاشقى اتوم ەلەكتروستانتسياسىنىڭ سالىناتىنى تۋرالى ايتىپ بەردى.
ءوز كەزەگىندە ۆلاديمير پۋتين وزبەكستاندى سەنىمدى سەرىكتەس سانايتىنىن ايتتى. «بىلتىرعى وزبەكستان پرەزيدەنتىنىڭ ساپارىنان كەيىن ەكى جاقتى قارىم-قاتىناس جاڭا دەڭگەيگە ءوتتى. رەسەي قاتىناستى ودان ءارى دامىتۋعا دايىن», دەدى ول.
كەزدەسۋ بارىسىندا سەرىكتەستىكتى دامىتۋعا باعىتتالعان جاڭا ينۆەستيتسيالىق جوبالار, حالىقارالىق ماسەلەلەردى شەشۋ جولدارى تالقىلاندى.