حالىقارالىق تۇركى اكادەمياسى قىتاي استاناسى بەيجىڭ قالاسىندا باستالعان Tai Hu دۇنيەجۇزىلىك مادەنيەت فورۋمىنىڭ V كونفەرەنتسياسىنا ات سالىستى.
ەكى كۇنگە جالعاسقان «وركەنيەتتەر ديالوگى: ادامزات تاعدىرىنا ورتاق قاۋىمداستىق قۇرىلىسى» دەپ اتالاتىن فورۋمعا الەمنىڭ كوپتەگەن مەملەكەتتەرىنەن جۇزدەگەن وكىلدەر, ساياساتكەرلەر, عالىمدار, ديپلوماتتار قاتىستى. فورۋمعا قاتىسقان حالىقارالىق تۇركى اكادەمياسىنىڭ تۇراقتى حاتشىسى اسحات كەسىكباەۆ جيىننىڭ «ادامزات تاريحىنداعى ءبىر جول-ءبىر بەلدەۋ» اتتى سەكتسياسىندا اكادەميا پرەزيدەنتى دارحان قىدىرالىنىڭ «جىبەك جولى وركەنيەتى» اتتى ماقالاسىن تانىستىردى.
قىتاي قوعامدىق عىلىم اكادەمياسى ۇلتتار ادەبيەتى ينستيتۋتىندا ەكىجاقتى كەزدەسۋ ءوتىپ, ارىپتەستىكتى دامىتۋ, جاڭا جوبالاردى ۇيىمداستىرۋ بويىنشا پىكىر الماسۋ بولدى.