اقتاۋدان باكۋگە بەت العان جۇك تاسۋشى كەمە ەكيپاجىنىڭ مۇشەلەرى ۋلاندى, دەپ حابارلايدى Trend اقپاراتتىق اگەنتتىگى.
بۇل اقپاراتتى ازەربايجان مەملەكەتتىك شەكارا قىزمەتى راستادى. اقپاراتقا سۇيەنسەك, ازەربايجان شەكارا قىزمەتىنە اقتاۋ-باكۋ باعىتىمەن كەلە جاتقان يراندىق «نازمەحر» جۇك تاسۋشى كەمەسىنەن حابار كەلەدى. حابارلاما پيراللاحى ارالىنان كەلىپ تۇسكەن.
اۋا-رايىنىڭ قولايسىزدىعىنا قاراماستان, ازەربايجان شەكارا كۇزەتى قىزمەتكەرلەرى وقيعا ورنىنا بەت الادى. 00:30-دا جەتكەن كۇزەت قىزمەتكەرلەرى «نازمەحر» جۇك كەمەسى ەكيپاجىنىڭ اۋىر حالدەگى جەتى مۇشەسىن قابىلدايدى. العاشقى جاردەم كورسەتىلگەننەن كەيىن, كەمە ابشەرون پورتىنا قاراي بەت العان. ۋلانۋشىلارعا كومەك كورسەتۋگە دارىگەرلەر بريگاداسى كەلدى», دەپ حابارلادى شەكارا قىزمەتكەرلەرى.