ءوڭىردىڭ دامۋىنا وڭ باعا بەرىلدى

قازاقستان پرەزيدەنتى الدىمەن اقتوبەدەگى ەنەرگيا تيىمدىلى­گى ورتالىعىنىڭ جۇمىسىمەن تانىس­تى. بۇل ورتالىقتىڭ نەگىزگى مىندەتى – بالامالى ەنەرگەتيكا تەح­نولوگياسىن كورسەتۋ جانە تۇر­عىن ۇيلەردى ىستىق سۋمەن, جىلۋمەن جانە ەلەكتر قۋاتىمەن قامتاماسىز ەتۋ ءۇشىن ونى پايدالانا بىلۋگە ۇيرەتۋ.

ورتالىقتىڭ عيماراتى كۇن پانەلدەرىمەن, گاز پورشەندى ستانسامەن, گەوتەرمالدى جۇيە­مەن, سونداي-اق جەل گەنەراتورلارىمەن جاب­دىقتالعان. مۇندا قالا تىر­شىلىگىن قامتاماسىز ەتۋ جانە تۇرعىن ءۇي-كوممۋنالدىق شارۋا­شىلىق ينجەنەرلىك جەلى­لەرىنە مونيتورينگ جۇرگىزۋ ور­تالىعى, حالىق­قا قىزمەت كورسەتۋ ورتا­لىعى, وبلىستىق ىشكى ىستەر دە­پار­تامەنتىنىڭ جەدەل باس­قا­رۋ ور­تا­لىعى, اقتوبە قالا­سى­نىڭ «ال­ماتى» اۋدانى اكىمى­نىڭ اپ­پا­راتى ور­نالاسىپ, جۇمىس جۇرگىزۋدە.

نۇرسۇلتان نازارباەۆ ەنگى­زىلگەن جاڭالىقتارعا وڭ باعا بەرىپ, ەكسپو-2017 حالىق­ارا­لىق كورمەسىندە تانىس­تى­رىل­عان «جاسىل» تەحنولوگيالار­دى تاجىريبەدە قولدانۋدىڭ ما­ڭىزدىلىعىن اتاپ ءوتتى.

سونىمەن قاتار اقتوبە قا­لا­سىنىڭ اكىمى قازاقستان پرەزي­دەنتىنە وبلىس ورتالى­عىنىڭ دامۋ بارىسى, سونداي-اق اقتوبە اگلومەراتسياسىن, «SmartCity اقتوبە» جۇيەسىن جانە قالانىڭ قوعامدىق كەڭىس­تىگىن قۇرۋ جونىندە بەرىلگەن تاپ­سىر­مالاردىڭ ورىندالۋى تۋرالى مالىمدەدى.

سوڭىندا ەلباسى اقتوبە قالا­سىنىڭ ودان ءارى دامۋىنا قاتىستى بىرقاتار ناقتى تاپسىرما بەردى.

بۇدان سوڭ نۇرسۇلتان نازارباەۆ دارىندى بالالارعا ارنالعان «اسەم» ءبىلىم بەرۋ جانە تانىم ورتالىعىنىڭ جۇمىسىمەن تانىستى. بۇل ءبىلىم مەكەمەسىنىڭ ماقساتى – بالالاردىڭ زياتكەرلىك جانە تۇلعالىق الەۋەتىن دامىتۋ ءۇشىن قولايلى جاعداي جاساۋ.  

ورتالىقتىڭ تاربيەلەنۋ­شىلەرى قازاقستان پرەزيدەنتىنە وقۋ اۋديتوريالارى مەن لابورا­تو­ريا­لىق كابينەتتەردى كورسەتتى.   نۇرسۇلتان نازارباەۆ جاس جەت­كىنشەكتەرگە «بولاشاق» ستي­پەندياسى, نازارباەۆ ۋني­ۆەر­­سيتەتى, نازارباەۆ زياتكەرلىك مەك­تەپ­تەرى جانە ولاردىڭ جالپى ەل ەكو­نو­ميكاسىنا تيگىزىپ وتىر­عان پاي­داسى جونىندە اڭگىمەلەپ بەردى.

– وبلىس جاستارى مۇناي-گاز سالاسى بويىنشا ءبىلىم الۋعا تىرىسادى. بۇگىندە مۇناي باعاسى قالىپتى, بىراق بىرنەشە جىلدان كەيىن ونىڭ قۇنى تومەندەپ, مۇناي ءوندىرۋ ازايۋى مۇمكىن. سوندىقتان بولاشاقتا سۇرانىسقا يە بولاتىن ءبىلىمدى تاڭداۋ قاجەت, – دەدى مەملەكەت باسشىسى.

قازاقستان پرەزيدەنتى جۇرت­شىلىق وكىلدەرىمەن اڭگىمەلەسۋ بارىسىندا اقتوبە وبلىسىنىڭ ەلىمىزدەگى تەز وركەندەپ كەلە جات­قان وڭىرلەردىڭ ءبىرى ەكەنىن اتاپ ءوتىپ, 20 جىل ىشىندە اقتوبە قالا­سىنىڭ تۇرعىندارى ەكى ەسە كوبەي­گەنىن جانە قازىرگى ۋاقىتتا جارتى ميلليوننان اسقانىن ايتتى.

– اقتوبە باي تابيعي رەسۋرس­تارىنىڭ, دامىعان ءوندىرىسى مەن كەن ءوندىرۋ سالاسىنىڭ ارقاسىندا باتىس قازاقستاننىڭ ورتالىعى­نا اينالدى, – دەدى نۇرسۇلتان نازارباەۆ.

وبلىستىڭ الەۋمەتتىك-ەكونو­ميكالىق دامۋ قارقىنىنا وڭ باعا بەرگەن مەملەكەت باسشىسى قازاقستان حالقىنا ارنالعان جاڭا جولداۋداعى جانە وڭىرلىك دەڭگەيدە شەشىلۋگە ءتيىس بىرقاتار ماسەلەنى اتاپ ءوتتى.

– 2019 جىلدان باستاپ ەڭ تومەنگى جالاقى 1,5 ەسە وسەتىن بولادى. بۇل 40 مىڭ اقتوبەلىكتىڭ ءال-اۋقاتىنا وڭ ىقپال ەتەدى. ولاردىڭ جارتىسى – بيۋدجەت سالاسىنىڭ قىزمەتكەرلەرى. ء ىرى كاسىپورىندار وسى باستامانى قولدايدى دەپ سەنەمىن, – دەدى قازاقستان پرەزيدەنتى. نۇرسۇلتان نازارباەۆ كولىك ينفراقۇرىلىمىن دامىتۋ جانە جەرگىلىكتى ماڭىزى بار جول­داردىڭ ساپاسىن جاقسارتۋ ماسە­لەلەرىنە ارنايى توقتالدى.

– وبلىستىڭ گەوگرافيالىق جاع­­­دايىن ەسكەرە وتىرىپ, ەۋرا­زيا ەكو­نوميكالىق وداعى­نا مۇشە ەلدەرمەن ساۋدا-سات­تىق جاساۋدىڭ ترانزيتتىك مۇمكىن­دىكتەرىن كەڭەيتۋ قاجەت, – دەدى مەملەكەت باسشىسى.

قازاقستان پرەزيدەنتى ساپار قورىتىندىسى بويىنشا جۋرناليستەر الدىندا سويلەگەن سوزىندە ءوڭىر باسشىلىعىنىڭ نەگىزگى الەۋمەتتىك-ەكونوميكالىق كورسەتكىشتەرگە قول جەتكىزۋ جانە مەملەكەتتىك باعدارلامالاردى جۇزەگە اسىرۋ جونىندەگى جۇمىس­تارىنا جوعارى باعا بەردى.

– وبلىس ەكونوميكاسى ءوسىپ, جول­­دار, مەكتەپتەر سالىنىپ, قالا ينف­را­قۇرىلىمى دامۋدا. اقتو­بە­لىكتەردىڭ ءال-اۋقاتى جاق­سا­رىپ كەلەدى. جەرگىلىكتى اتقا­رۋ­شى ورگاندار حالىقتىڭ تۇر­­مىس ساپاسىن ارتتىرۋعا جانە «بەس الەۋ­مەتتىك باستاما» مەن «قازاق­­ستان­دىقتاردىڭ ءال-اۋقا­تى­­نىڭ ءوسۋى: تابىس پەن تۇر­مىس ساپا­سىن ارتتىرۋ» اتتى جول­داۋ­دى ودان ءارى ىسكە اسىرۋعا كۇش جۇ­مىل­دىرۋى كەرەك, – دەدى نۇرسۇلتان نازارباەۆ.

تەمىر قۇسايىن,

«ەگەمەن قازاقستان»

اقتوبە وبلىسى