بۇل تۋرالى قر ۇكىمەتىنىڭ ءباسپاسوز ورتالىعىندا وتكەن ءباسپاسوز كونفەرەنتسياسىندا قر قارجى ۆيتسە-ءمينيسترى بەرىك شولپانقۇلوۆ پەن قر قم مەملەكەتتىك م ۇلىك جانە جەكەشەلەندىرۋ كوميتەتى توراعاسىنىڭ م.ا. عالىمجان يبرايموۆ ايتتى, دەپ حابارلايدى پرەمەر-ءمينيستردىڭ ءباسپاسوز قىزمەتى.
ع. يبرايموۆ بۇگىنگى تاڭدا جەكەشەلەندىرۋدىڭ 2016–2020 جىلدارعا ارنالعان كەشەندى جوسپارى اياسىندا كولەمدى جۇمىستار اتقارىلىپ جاتقانىن ايتتى. ونىڭ ايتۋىنشا, جەكەشەلەندىرۋ پروتسەسىندەگى ماڭىزدى كەزەڭ — جەكەشەلەندىرۋدەن كەيىنگى باقىلاۋ.
ء«بىز جەكەشەلەندىرىلگەن نىساندار بويىنشا ساتىپ الۋ–ساتۋ كەلىسىمشارتى اياسىندا ينۆەستورلار وزدەرىنە العان مىندەتتەمەلەردىڭ ورىندالۋىن باقىلايتىن بولامىز», — دەدى ع. يبرايموۆ.
بۇدان وزگە, 444 ساتىلعان نىساننىڭ 36%-عا جۋىعى اۋكتسيونداردا ساتىلعانى اتالىپ ءوتتى. اۋكتسيونداردا ساتۋدىڭ ءمانى قاندايدا ءبىر شارتتاردىڭ بولماۋىندا: كىم كوبىرەك اقشا بەرسە, سول ۇتادى. قالعان 64% جاعدايدا اكتيۆتەر تەندەرلەر مەن جەكەشەلەندىرۋدىڭ باسقا تۇرلەرى ارقىلى ساتىلدى.
مەملەكەتتىك م ۇلىك تۋرالى زاڭعا سايكەس, ءۇش ساتىلىمنىڭ قورىتىندىسى بويىنشا نىساندار ساتىلماعان جاعدايدا, ول تاراتىلادى.
«ەگەر ءبىز ءۇش رەت ساتىلىمعا شىعارىپ, ساتىپ الۋشىسى تابىلماسا, وندا نىساننىڭ سۇرانىسقا يە بولماعانى», — دەپ ءتۇسىندىردى ع. يبرايموۆ, سونداي-اق, ءبىرىنشى كەزەكتە, جەكەشەلەندىرۋ ەكونوميكاعا مەملەكەتتىڭ قاتىسۋ ۇلەسىن قىسقارتۋ ماقساتىندا جۇرگىزىلەتىنىن ەسكە سالدى.
سۇرانىسقا يە ەمەس نىسانداردى جويۋ — مەملەكەتتىڭ قاتىسۋىن ازايتۋدىڭ ءبىر قۇرالى. نىسانداردى جويۋ ازاماتتىق كودەكسكە سايكەس جۇرگىزىلەدى. جويۋدان كەيىن قالعان م ۇلىك باسقا زاڭدى تۇلعالار اراسىندا قايتا بولىنەدى.
سونداي-اق, قر قارجى مينيسترلىگىنىڭ مالىمەتى بويىنشا, قازىرگى تاڭدا جەكەشەلەندىرۋدىڭ كەشەندى جوسپارىندا شەتەلدىك ينۆەستورلاردىڭ قاتىسۋى 6% قۇرايدى. جالپى العاندا, شەتەلدىك ينۆەستورلاردان شامامەن 70 ملرد تەڭگە ءتۇستى. سونىمەن قاتار, ع. يبرايموۆ شەتەلدىك ينۆەستورلاردىڭ قاتىسۋ ۇلەسى ايتارلىقتاي ءوسۋى كەرەك دەپ سانايدى.
ءوز كەزەگىندە قارجى ۆيتسە-ءمينيسترى بەرىك شولپانقۇلوۆ الداعى ۋاقىتتا بيۋدجەتتى ءتيىمدى يگەرۋ بويىنشا جۇرگىزىلىپ جاتقان جۇمىستار تۋرالى ايتىپ بەردى. ونىڭ ايتۋىنشا, قارجى مينيسترلىگىندە اپتا سايىن ءاربىر بيۋدجەتتىك ينۆەستيتسيا مەن شىعىندار بويىنشا بيۋدجەتتىك قاراجاتتاردى يگەرۋگە ەلەكتروندى ونلاين-مونيتورينگ جۇرگىزىلىپ وتىرادى.
ء«بىز اپتا سايىن مەملەكەتتىك ورگاندارمەن ولاردىڭ قاراجاتتاردى يگەرۋ پروبلەمالارى بويىنشا كەزدەسۋ وتكىزەمىز. اعىمداعى بيۋدجەتتى ناقتىلاۋ كەزىندە جىل سوڭىنا دەيىن يگەرىلمەۋ قاۋپى بار شىعىنداردىڭ ءبىر بولىگى قايتا ءبولىندى. اتالعان قاراجاتتار مەملەكەت باسشىسىنىڭ جولداۋى مەن باستامالارى نەگىزىندە باعىتتالدى. جالپى, كۇردەلى ماسەلەلەر تالدانىپ, شەشىلىپ جاتىر. كەلەشەكتە زاڭ جوباسىن پارلامەنتكە جىبەرگەن ساتتەن باستاپ كەلەسى جىلدىڭ بارلىق مەملەكەتتىك ساتىپ الۋلارىن جاريالاۋدى ءجون سانايمىز, بۇل قاڭتار ايىنان باستاپ مەملەكەتتىك ساتىپ الۋلار جانە كەلىسىمشارتتار جاساۋ پروتسەسىن ەداۋىر بەس ايعا تەزدەتۋگە مۇمكىندىك بەرەدى. قارجى ەكونوميكاعا جىبەرىلەدى», — دەپ تۇيىندەدى ب. شولپانقۇلوۆ.