17-21 قازان ارالىعىندا وسكەمەندە مادەنيەت جانە سپورت مينيسترلىگى مەن شىعىس قازاقستان وبلىستىق اكىمدىگىنىڭ بىرلەسۋىمەن استانا قالاسىنىڭ 20 جىلدىعىن مەرەكەلەۋ اياسىندا امىرە قاشاۋباەۆ اتىنداعى رەسپۋبليكالىق فەستيۆال وتەدى.
ايگىلى ءانشىنىڭ 130 جىلدىعىنا وراي ۇيىمداستىرىلاتىن مەرەيتويلىق شارالار 17 قازاندا ساعات 16:00-دە وبلىس ورتالىعىنداعى «يۋبيلەينىي» كينوتەاترىندا شىعارماشىلىق ينتەلليگەنيا مەن باستى رولدەردى سومداعان اكتەرلاردىڭ قاتىسۋىمەن وتەتىن «امىرە» كوركەم ءفيلمىنىڭ كورسەتىلىمىنەن جانە كەشكە, ساعات 19:00-دە «ەرتiس كونتسەرت» زالىندا فەستيۆالدىڭ سالتاناتتى اشىلۋ راسىمىنەن باستالادى. «18-20 قازاندا حالىق ارتىستەرى اعايىندى ابدۋلليندەر اتىنداعى شىعىس قازاقستان ونەر ۋچيليششەسىندە امىرە قاشاۋباەۆ اتىنداعى رەسپۋبليكالىق فەستيۆالدىڭ كونكۋرستىق كۇندەرى وتەدى.
21 قازان كۇنى ساعات 19.00-دە شىعىس قازاقستان وبلىستىق دراما تەاترىندا قازاقستاننىڭ مادەنيەت قايراتكەرلەرى مەن ونەر شەبەرلەرىنىڭ قاتىسۋىمەن گالا-كونتسەرت جانە قاتىسۋشىلاردى ماراپاتتاۋ ءراسىمى بولادى», - دەيدى وبلىستىق مادەنيەت باسقارماسىنىڭ باسشىسى ازامات مۇحامەدچينوۆ.
ازامات قاسىم,
«ەگەمەن قازاقستان»
وسكەمەن