ءبىلىم جانە عىلىم ءمينيسترى ەرلان ساعاديەۆ ۇلتتىق بىرىڭعاي تەستىلەۋگە قاتىستى بىرقاتار وزگەرىستەردى جاريالادى.
«كەلەسى جىلدان باستاپ ۇبت جىل ىشىندە قاڭتار ايىندا باستالاتىن بولادى. ەكىنشىدەن, قاڭتاردان باستاپ مەكتەپ تۇلەكتەرى ءۇشىن اقىلى نەگىزدە وقۋدا شارتتى تۇردە تۇسۋگە مۇمكىندىك بەرىلەدى. ۇشىنشىدەن, جوعارى وقۋ ورىندارىندا شەتەل ازاماتتارىنىڭ وقۋ جىلى كەزىندە وقۋعا قابىلداۋ مۇمكىندىگى قاراستىرىلعان. تورتىنشىدەن, شەتەل ازاماتتارى, سونىڭ ىشىندە قازاق دياسپوراسى ءۇشىن ستيپەنديالىق باعدارلامالار ەنگىزىلەدى. بەسىنشىدەن, ماگيستراتۋراعا قابىلداۋدىڭ جاڭا مودەلى ەنگىزىلۋدە. ونىڭ نەگىزى باكالاۆرياتقا قابىلداۋ مودەلىنە ۇقساس. سونداي-اق ماگيستراتۋرادا گرانتتار ستۋدەنتتەرگە بەرىلەدى جانە جوعارى وقۋ ورىندارىن تاڭداۋ مۇمكىندىگى بولادى», دەدى ە.ساعاديەۆ ۇكىمەت وتىرىسىندا.