جىل باسىنان بەرى وبلىس وڭىرىندە 538 باس مال ۇرلانعان. سونىڭ 215 باسى عانا, ياعني 39,9 پروتسەنتى تابىلىپ, يەسىنە قايتارىلعان. قالعان 60 پروتسەنتىنىڭ ءىزى سۋىپ, تابىلماي كەتكەن. شۇعىل ىزدەستىرۋ شارالارى كورسەتكەندەي, جوعالعان جىلقىلار رەسەي فەدەراتسياسىنىڭ اۋماعىنا ءوتىپ كەتكەن. جىلقىنى بارىمتالاپ كەتۋ شەكاراعا جاقىن ورنالاسقان اۋدانداردا ءجيى ورىن الادى. قىركۇيەك اۋىندا دەنيسوۆ اۋدانىنداعى سينەگورسك سەلوسىندا «پروستورى» جشس-ءنىڭ 47 باس جىلقىسى قولدى بولىپ, شارۋاشىلىق 8,5 ميلليون تەڭگە زيان شەككەن. دەنيسوۆ اۋدانىندا جانە چەليابى وبلىسىنىڭ ۆارنا اۋدانىندا شەكارانىڭ قورشالماعان ۋچاسكەلەرى ۇرىلاردىڭ جولىنا اينالىپ تۇر.
بۇگىنگە دەيىن وبلىستىق پوليتسەيلەر 22 ادامنان تۇراتىن 9 قىلمىستىق توپتى ۇستاعان. ولار 44 رەت مال ۇرلاعان. وبلىستىق ىشكى ىستەر دەپارتامەنتى قىزمەتكەرلەرىنىڭ ايتۋىنشا, اۋىل تۇرعىندارى مالعا ەن سالۋعا نەمەسە تاڭبالاۋعا سالعىرت قارايدى. تسيفرلاندىرۋدىڭ جەتىستىگىنە نازار سالىپ, «دجيپيەس» جۇيەسىن قولدانبايدى.
ءنازيرا جارىمبەت,
«ەگەمەن قازاقستان»
قوستاناي