ورنىقتى دامۋدىڭ باعدارى - تادەۋش شوزدا

اتالعان قۇجات قوعامداعى بار­لىق ادامداردىڭ يگىلىگىن كوزدەي­تىن­دىگىمەن قۇندى. وندا 2019 جىل­دىڭ 1 قاڭتارىنان باستاپ ەڭ تو­مەنگى جالاقىنى بىردەن 1,5 ەسەگە ءوسىرۋ قاجەتتىگى اتاپ كورسە­تىل­گەن. بۇل ەلدەگى 1 ملن 300 مىڭ ادامنىڭ ەڭبەكاقىسىنا تىكە­لەي قاتىستى. بۇل شارانى قا­زاقستاننىڭ 2050 جىلعا دەيىن الەمنىڭ دامىعان 30 ەلىنىڭ قاتارىنا قوسىلۋ باعىتىنداعى ستراتەگيالىق ماقساتىن جۇزەگە اسىرۋداعى ماڭىزدى قادام دەپ ەسەپتەيمىن.

جولداۋدا ادامنىڭ ءومىر ءسۇرۋ دەڭگەيىن ارتتىرۋدى كوزدەيتىن ماقسات-مىندەتتەر ناقتىلانعان. وسى ورايدا قاۋىپسىز ءومىر ءسۇرۋ, باس­پانا, ساپالى ءبىلىم الۋ, دەن­ساۋ­لىق ساقتاۋ سالالارىنىڭ قول­جەتىمدىلىگى ماڭىزدى بولىپ تابىلادى. 

حالىقتىڭ سۇرانىسىن قانا­عات­تاندىرۋدا, ازاماتتاردىڭ ءومىر ءسۇرۋ دەڭگەيىن كوتەرۋدە زاماناۋي, كاسىبي مەملەكەتتىك اپپاراتتىڭ ءرولى ەرەكشە. وسىعان بايلانىس­تى جولداۋدا مەملەكەتتىك ورگان­داردىڭ تيىمدىلىگىن ارتتىرۋ, سىبايلاس جەمقورلىقپەن كۇرەستى كۇشەيتۋ, فورماليزم مەن بيۋروكراتيا­نى ازايتۋ, مەملەكەتتىك قىزمەتتەردى كورسەتۋدىڭ جاڭا تا­سىل­دەرىن قولدانۋ سىندى ماسە­لەلەر ورىندى كوتەرىلگەن.

ەل الدىنا قويىلعان باستى مىن­دەت­تەردى جۇزەگە اسىرۋدا ءتيىمدى سىرتقى ساياساتتىڭ ماڭىزى زور. سوندىقتان جولداۋدا اتاپ كورسەتىلگەندەي, قازىرگى كۇر­دەلى جاعدايدا قازاقستان رەس­پۋب­لي­كاسىنىڭ سىرتقى سايا­ساتى بەيىم­دەلۋدى جəنە ۇلتتىق مۇددەنى پراگ­ماتيزم قاعيداتتارىنا سəيكەس ىلگەرىلەتۋدى تالاپ ەتەدى. 

ءƏربىر قازاقستاندىق جۇرگىزىلىپ جات­قان رەفورمالاردىڭ ءمəنىن جə­نە ولاردىڭ ەلدى وركەندەتۋ جو­لىن­داعى ماڭىزىن جەتە ءتۇسىنۋى ءتيىس.

جولداۋمەن تانىسقان ءاربىر ادام وندا كوتەرىلگەن ءاربىر ما­سەلەنى ەڭسەرۋ جولدارىنىڭ ەگ­جەي-تەگجەيلى ءارى كەشەندى تۇردە زەر­دەلەنگەنىن انىق اڭعارادى. 

مەنى كولىك سالاسىنىڭ مامانى رەتىندە قازاقستانداعى تاسىمال سالاسىنا قاتىستى كورسەتكىشتەرمەن اتقارىلعان جۇمىستار قى­زىق­­تىرادى. سوڭعى جىلدارى قازاق­ستاندا «نۇرلى جول» باعدار­لاما­سىنىڭ ارقاسىندا رەسپۋب­ليكالىق ماڭىزى بار ينفرا­قۇ­رىلىم قالىپتاستى. 2015 جىلدان باستاپ 2400 شاقىرىم اۆتوموبيل جولى سالىندى جəنە قايتا جوندەلدى. بۇل جۇمىستار جالعاسۋدا.

قورىتا ايتقاندا, جولداۋدان تۋىن­دايتىن الەۋمەتتىك-ەكو­نو­ميكالىق ماقسات-مىندەتتەردى ورىنداۋدا قازاقستان حالقىنا جانە پرەزيدەنت نۇرسۇلتان نازارباەۆقا تەك تابىس تىلەيمىن.

تادەۋش شوزدا,

تەمىر جول ىنتىماقتاستىق ۇيىمى كوميتەتىنىڭ توراعاسى (پولشا)