...ۇلگى ەتەدى
ورتالىق اتاۋى – «اناعا تاعزىم»
بيىل ارايلى اقتوبەدە ەرەكشە «اناعا تاعزىم» اتتى جارقىن دا, جاسامپاز جوبا جاساقتالدى. مەن ونى بارشا ەل-جۇرت پەن تۇرعىندارعا جانە كەيىنگى ۇرپاق وكىلدەرىنە قاجەتتى رۋحاني-مادەني ورتالىق دەپ سانايمىن. بىرەگەي جوبا ەلىمىزدىڭ بارلىق وڭىرلەرىنە ۇلگى بولۋعا ابدەن تاتيدى.
الداعى ۋاقىتتا مۇندا قىز-كەلىنشەكتەرگە, سونداي-اق ايەلدەر مەن انالارعا ارنالعان ءماندى دە مازمۇندى باسقوسۋلار مەن كەزدەسۋلەر, ترەنينگتەر مەن شەبەرلىك ساعاتتارى وتكىزىلمەك. سونىمەن بىرگە جەتكىنشەك ۇرپاقتىڭ بويىندا وتانشىلدىق سەزىمدى قالىپتاستىرۋ ءۇشىن سالت-داستۇرلەرىمىز بەن بۇگىنگى رۋحاني قۇندىلىقتاردى دارىپتەۋ باعىتىندا دا كەشەندى ءىس-شارالار جۇرگىزىلمەك. «اناعا تاعزىم» دەگەن اتاۋىنان كورىنىپ تۇرعانىنداي, ورتالىقتىڭ باستى ماقساتى – ەجەلگى تاريحىمىزدان ەلگە ءمالىم انا-اجەلەرىمىزدىڭ ەسىمدەرىن ۇلىقتاپ, كەيىنگىلەرگە ونەگە ەتىپ, وشپەس رۋحتارىنا تاعزىم ەتۋ بولىپ وتىر.
كۇلشات ماساليموۆا,
وبلىستىق ىسكەر ايەلدەر
قاۋىمداستىعىنىڭ ءتورايىمى
اقتوبە
...ماقتان تۇتادى
جاقسىلىق جاساۋعا ۇمتىلايىق
تامىز ايىنىڭ باسىنان باستاۋ العان ءداستۇرلى رەسپۋبليكالىق «مەكتەپكە جول» اكتسياسى كيەلى تۇركىستان شاھارىندا دا بەلسەندى تۇردە وتكىزىلۋدە. اتالعان اكتسيانىڭ ماقساتى – از قامتىلعان جانە كوپ بالالى وتباسىلار, جەتىم بالالار مەن اتا-انا قامقورلىعىنسىز قالعان بالالارعا جاڭا وقۋ جىلىنا دايىندىق كەزىندە جانە الەۋمەتتىك سەبەپتەرمەن مەكتەپتەن قالىپ قوياتىن بالالارعا كومەك كورسەتۋ.
تۇركىستان قالاسى اۋماعىندا بىلتىرعى وقۋ جىلى بارىسىندا مەملەكەت تاراپىنان «جالپىعا مىندەتتى ءبىلىم قورى ەسەبىنەن» 461 بالا مەكتەپكە قاجەتتى كيىم-كەشەكپەن, وقۋ قۇرالدارىمەن قامتىلعان بولاتىن. سونىڭ ىشىندە مايدانتال اۋىلىنىڭ جالپى ءبىلىم بەرۋ ورتا مەكتەبىندە دە وسىنداي قايىرىمدىلىق شارالاردىڭ باسى-قاسىندا بولىپ, بالالاردان ءوز كومەكتەرىن ايامايتىن بىرقاتار ازاماتتاردى ايتا كەتۋگە بولادى. اتالعان يگى ىسكە جەكە كاسىپكەرلەر مەن مەكتەبىمىزدىڭ تۇلەكتەرى, استانا قالاسىنداعى «نۇر» بازارىنىڭ جاستارى ۇلكەن ۇلەس قوسىپ, بالالارعا مەكتەپكە قاجەتتى كيىم-كەشەكپەن, وقۋ قۇرالدارىمەن جىلدا قامتاماسىز ەتىپ وتىرادى. وسى ورايدا ءوز جالعاسىن تاۋىپ جاتقان شاراعا ەلىمىزدىڭ بولاشاعى جاس ورەن بالالارىمىزدان كومەگىن ايامايتىن, بارشا ازاماتتارىمىزدى دەمەۋشىلىك جاساۋعا شاقىرامىز.
ايگەرىم سانعىلباەۆا,
«مايدانتال» جالپى ورتا مەكتەبىنىڭ
الەۋمەتتىك پەداگوگى
تۇركىستان
...ريزاشىلىعىن جەتكىزەدى
شاعىن فۋتبول الاڭىن سالىپ بەردى
«تۋعان جەر» باعدارلاماسى شەڭبەرىندە ءوز اۋىلىنا اقمولا وبلىسى, ەسىل اۋدانىنىڭ تۇرعىنى سالىپ بەرگەن جاساندى جامىلعىسى بار شاعىن فۋتبول الاڭىنا بۇگىندەرى كوپشىلىك ريزا.
«ينتەرناتسيونالنىي» اۋىلىنداعى ورتا مەكتەپتىڭ جانىنان سالىنعان سپورت الاڭىنىڭ قۇرىلىسىن قازىمبەك اقماعامبەتوۆ باسقاراتىن «شىڭعىس حان» جشس قولعا الىپ, وسى ماقساتتا سەرىكتەستىك ەسەبىنەن 10 ميلليون تەڭگە قارجى جۇمسالعان ەكەن. ينتەرناتسيونالنىي سەلولىق وكرۋگىندە 700-دەي تۇرعىن بولسا, ونىڭ 200-دەيى جاستار. سوندىقتان قازىرگى زامانعا ساي جابدىقتالعان جاڭا شاعىن فۋتبول الاڭى اۋىل جاستارىنىڭ بۇقارالىق سپورتپەن شۇعىلدانۋىنا زور سەپتىگىن تيگىزىپ وتىر.
كاسىپكەر قازىمبەك اقماعامبەتوۆ بۇرىندارى وسى اۋىلدا مۇز ايدىنىن دا اشقان بولاتىن.
اسلان وسپانوۆ
اقمولا وبلىسى
...وي قوزعايدى
مەكتەپتە حيدجاب كيۋ دۇرىس پا؟
وسىنداي تاقىرىپپەن ۇشتاعان سەلوسىنداعى اسقار وتەپبەرگەنوۆ اتىنداعى ورتا مەكتەپتە اۋداندىق ىشكى ساياسات جانە تىلدەردى دامىتۋ ءبولىمى مەن ماڭعىستاۋ اۋدانى اكىمدىگىنىڭ اقپاراتتىق ءتۇسىندىرۋ توبىنىڭ ۇيىمداستىرۋىمەن دوڭگەلەك ۇستەل وتكەن بولاتىن.
جيىندا اسىل ءدىنىمىزدىڭ كازىرگى تاڭداعى قوعام اراسىنداعى كەڭ تارالۋى, باسقا ءدىني ۇيىمدارىنىڭ جاستار ساناسىن ۋلاۋى مەن كەرى اسەر ەتۋلەرى, سونداي-اق مەكتەپتە حيدجاب كيەتىن جاستاردىڭ كوبەيۋى الاڭداتاتىنى جايىندا اڭگىمە ءوربىپ, اۋداننىڭ نايب يمامى, تەولوگ ەربول ايناقۇلوۆ: «حيدجاب – ول ورانۋ دەگەن ماعىنا بەرەدى. ول ورانعاندا ءبىلىم بەرۋ ۇيىمىندا تۇمشالانىپ ورانۋ اعاتتىق دەپ ويلايمىن. ويتكەنى ءبىزدىڭ ەلىمىز قازاقستان زايىرلى مەملەكەت بولعاندىقتان مەكتەپتىڭ ءوز ءتارتىبى مەن ەرەجەسى بار. سوعان باعىنۋ كەرەك», دەگەن ويىن جەتكىزدى.
شارادا اۋىل جاستارى «جيھاد دەگەن نە؟», «سەكتانىڭ ايىرماشىلىعى قانداي؟» دەگەن سۇراقتارىن قويىپ, تەولوگ تاراپىنان تۇشىمدى جاۋاپتارىن الدى.
اللابەرگەن قونارباەۆ
ماڭعىستاۋ وبلىسى,
ماڭعىستاۋ اۋدانى
...ارمانىن ايتادى
جۋرناليست بولعىم كەلەدى
مەنىڭ دە جۋرناليستەر قاتارىن تولىقتىرعىم كەلەدى. تىنىمسىز ومىردەگى اقپارات تولقىنىندا ەركىن ءجۇزىپ, كەلەلى دەرەك كوزدەرىن حالىققا جەتكىزۋدى قالايمىن. جۋرناليست – تەك حابارشى, جاڭالىق جارشىسى عانا ەمەس, ءار اقپاراتتى وي ەلەگىنەن وتكىزىپ, اقيقاتتى قاق جارىپ, ايتار ويدى ناق ايتىپ, قادامىن ءدوپ باسىپ جۇرە الاتىن, تارازىنىڭ باسىن تەڭ ۇستاپ تۇرا الاتىن مامان. مەنىڭ ويىمشا, ناعىز ءتىلشى – اقىلدىڭ تەرەڭدىگىمەن, قيالدىڭ ۇشقىرلىعىمەن, ويدىڭ كەڭدىگىمەن توپتان ءبولىنىپ, ەرەكشەلەنەتىن ادام. وعان قوسا, ماقساتكەر, تالاپشىل, تەز ءتىل تابىسقىش جاندار. قالامى مەن قاعازى ارقىلى قورعانسىزعا پانا بولىپ, ادىلدىككە قول جەتكىزگەندە بىرەۋگە ءۇمىت ۇيالاتاتىن ء«تورتىنشى بيلىك» يەلەرى. ۇنەمى ىزدەنىس ۇستىندە جۇرەتىن جانداردىڭ وتكىر ءتىلدى شەشەن بولۋى دا قاجەتتىلىك تۋدىرادى.
11 سىنىپقا قادام باسقالى وتىرعان جاس تۇلەكتەرگە əردايىم قويىلاتىن ساۋال «قاي ماماندىققا بارايىن دەپ وتىرسىڭ؟» دەگەندە, تايسالماستان جۋرناليست بولامىن دەۋشى ەدىم. سول ءبىر كىشكەنتاي ارمان بولاشاققا جەتەلەدى. وسى كۇنگە دەيىن الدىما ماقسات قويىپ: قايتسەم دە وسى سالانى مەڭگەرەمىن, قابىلەتىمدى ۇشتايمىن دەگەن ەدىم. ماماندىق تاڭداۋدا تۇپقيانىم وسى. جوعارى سىنىپقا اياق باسقالى «جۋرناليست» دەگەن بەيمəلىم تەرميننىڭ قىر-سىرىن تانىپ ۇيرەنە باستادىم.
جانەركە ساعىمجان
شىعىس قازاقستان وبلىسى,
ءۇرجار اۋدانى