ۇلتتار ليگاسىنداعى كەزەكتى ويىنىندا قازاقستان قۇراماسى لاتۆيامەن تەڭ وينادى.
1-تايم
ويىن الدىندا قازاقستان قۇراماسىنىڭ ويىنشىلار ءتىزىمى شىعىسىمەن سەرگەي مالىيدىڭ ورتالىق قورعاۋشى بولىپ, ال باحتيەر زاينۋتدينوۆتىڭ ورتادا وينايتىنىن بايقادىق. بۇل ەكى ويىنشى نەگىزگى قۇرامدا كۇندە ويناپ جۇرگەن فۋتبولشىلار ەمەس ەدى. بۇل ەكى ويىنشىنىڭ بىردەن الاڭعا شىعۋىنىڭ دا وزىندىك ءمانى بار. جاسىل الاڭدا اياقدوپشىلار ءبىر-ءبىرىن جاقسى ءتۇسىنىسۋى ءۇشىن ولاردىڭ كلۋبتىق دەڭگەيدە دە ءبىر ۇجىمدا ويناعانى قۇپتارلىق. سول سەكىلدى سەرگەي مالىي شىعىسىمەن ءبىزدىڭ قورعانىسىمىز تۇگەل «استانا» ويىنشىلارىنان قۇرالدى. سەبەبى, ونىڭ قاسىندا ابزال بەيسەبەكوۆ, ەۆگەنيتس پوستنيكوۆ, دميتري شومكو سەكىلدى جىگىتتەر ورنالاستى. ال جارتىلاي قورعانىس «قايرات» پەن «استانانىڭ» قوسپاسىنان تۇردى. باحتيەر زاينۋتدينوۆتىڭ قاسىندا ەلوردالىق رومان مۇرتازاەۆ, سونداي-اق «قايراتتا» وينايتىن گەورگي جۋكوۆ, يسلامبەك قۋات, باۋىرجان يسلامحان بولدى. شابۋىل شەبىندە سوڭعى كەزدەرى جانكۇيەرلەر تاراپىنان سىن ساداعىنا ءىلىنىپ جۇرگەن الەكسەي ششەتكين شىقتى.
ماتچ بىردەن الما-كەزەك شابۋىلدارمەن باستالا ما دەگەن ويىمىز ىسكە اسپادى. كەرىسىنشە, ەكى كوماندا ءبىر-ءبىرىن الىستان بايقاسىپ, كوز ءسۇزىسىپ ءجۇردى. تەك اراگىدىك الاڭ يەلەرى الىستان سوققى باعىتتاپ وتىردى. ال ويىننىڭ 17-مينۋتىندا وتانداستارىمىزدىڭ العاشقى شابۋىلى بىردەن گولعا اينالدى. «استانا» ساپىندا «رەنن» قاقپاسىنا باسپەن گول سوققان زاينۋتدينوۆ بۇل جولى دا بەلسەندىلىگىمەن كوزگە ءتۇستى. ەسەپتە العا شىققان قازاقستاندىق ويىنشىلار «داۋگاۆا» ستاديونىندا وتە سەنىمدى قيمىلداي باستادى. ءيا, بۇل ءبىزدىڭ فۋتبولشىلاردىڭ ادەتى ەمەس پە؟ ارقاشان جەڭىسكە جەتىپ جاتقاندا ودان ءارى ەكىلەنىپ, شابىتتانا ويناپ كەتەتىن. بۇل جولى دا باۋىرجان يسلامحان باستاعان جارتىلاي قورعاۋشىلار ارلى-بەرلى پاستار بەرىپ, قارسىلاستىڭ باسىن شىر اينالدىردى. ورتاداعى ويىنشىلار ءبىرىنشى تايمدى وتە جاقسى وتكىزىپ جاتقانىنىڭ ارقاسىندا قاپتالداعى جۋكوۆ پەن مۇرتازاەۆتىڭ كوپ قاتەلىكتەرى بىلىنبەي جاتتى. جالپى العاندا وڭ قاپتالداعى ءىس-قيمىلدار كوڭىل-كونشىتە قويمادى. جاراقاتىنان ايىققان جۋكوۆ شىنىن ايتقاندا جاراقات الىپ قالعان ەركەبۇلان تۇڭعىشباەۆتىڭ ورنىنا شىققان بولاتىن. ال وعان قاراعاندا قۇرامادا تاجىريبيەلى سانالاتىن ابزال بەيسەبەكوۆتىڭ شابۋىلعا شىعۋعا مۇرشاسى بولماي جاتتى.
كەزدەسۋدىڭ 40-مينۋتىندا ورتالىق قورعاۋشىلاردىڭ قاتەلىگىنەن قاقپامىزعا گول ەندى. بويى ۇزىن دەگەن سەرگەي مالىي مەن ەۆگەني پوستنيكوۆتار اۋەدەگى دوپقا تالاس بارىسىندا دارمەنسىز قالدى. دوپقا يەلىك ەتكەن «اقجايىق» ويىنشىسى ارتۋر كاراشاۋسكاس قاقپامىزعا گول سوعىپ كەتتى.
2-تايم
ەكىنشى تايم باستالىسىمپەن قازاقستان قۇراماسى دوپقا كوپ يەلىك ەتىپ, قارسىلاستى ايىپ الاڭىنا تىقسىرا بەردى. بىراق, كوپ شابۋىلداردىڭ ەشقايسىسى ناتيجە بەرمەدى. باس باپكەر ستنيمير ستويلوۆ شارشاڭقى جۇرگەن زاينۋتدينوۆتى الىپ, ورنىنا ەركەبۇلان سەيداحمەتتى شىعاردى. ەركوش وڭ قاپتالدان ورىن الىپ, گەورگي جۋكوۆ ءوزىنىڭ ۇيرەنشىكتى ورنى ورتاعا كەلدى. يسلامحان-جۋكوۆ جۇبى كەزىندە جاستار قۇراماسىندا كەرەمەت ۇيلەسىپ ەدى عوي. الايدا, جۋكوۆتىڭ ورتاعا ويىسقانىنا ون مينۋت بولماي, باۋىرجان يسلامحان جاراقات الىپ, امالسىز الاڭداعى ورنىن بوساتتى. ستانيمير باپكەر يسلامحاننىڭ ورنىنا ويىنعا ماكسيم فەديندى سالدى. فەدين قازاقستان قۇراماسىنداعى العاشقى ويىنىنا شىعىپ, «توبىلداعى» پوزيتسياسى سول قاپتالدىڭ ۆينگەرى قىزمەتىن اتقارا جونەلدى. ال ول جەردە ويناپ جۇرگەن مۇرتازاەۆ تازا شابۋىلشىعا اينالدى. رومان دا ون مينۋتتاي ويناعان سوڭ ورنىن باۋىرجان تۇرىسبەككە بوساتتى. وسىنىڭ بارلىعىن قاراپ وتىرىپ, كوپ پوزيتسيادا تۇراقتى فۋتبولشىلار جوق ەكەنىن, ويىن بارىسىندا ءبىر ورىندا تۇراقتى وينايتىن فۋتبولشىلار كوپ ەمەستىگىن بايقايمىز. قۇرامامىزدا تەك قورعاۋشىلار عانا وزگەرىسسىز وينادى. قالعانى تۇگەل الاڭدا ورىندارىن الماستىرىپ شىقتى.
ەسەپ 1:1, ماتچ تەڭ اياقتالدى. ال گرۋزيا قۇراماسى اندوررانى 3:0 ەسەبىمەن ايقىن جەڭدى.
ەرمۇحامەد ماۋلەن,
لاتۆيادان