قىرعىزستاننىڭ وش قالاسىندا ءوتىپ جاتقان ءىى قازاق-قىرعىز زيالىلار فورۋمىندا حالىقارالىق تۇركى اكادەمياسىنىڭ پرەزيدەنتى دارحان قىدىرالى مەن اكادەميانىڭ اعا ساراپشىسى قادىرالى قونقوباەۆقا وش مەملەكەتتىك ۋنيۆەرسيتەتىنىڭ قۇرمەتتى پروفەسسورى اتاعى بەرىلدى.
وش مەملەكەتتىك ۋنيۆەرسيتەتىنىڭ رەكتورى قانىبەك يساكوۆ اكادەميا عالىمدارىنا قۇرمەتتى پروفەسسور اتاعى بەرىلگەندىگى تۋرالى ۋنيۆەرسيتەت عىلىمي كەڭەسىنىڭ شەشىمىن كوپشىلىكتىڭ الدىندا وقىپ بەردى.
سونىمەن قاتار TWESCO-نىڭ باۋىرلاس حالىقتاردىڭ ىنتىماقتاستىعى مەن عىلىمي ينتەگراتسيانى تەرەڭدەتۋگە ايرىقشا ۇلەس قوسىپ وتىرعانىن اتاپ ءوتتى.
سونداي-اق بەلگىلى تۇركولوگ قادىرالى قونقوباەۆتى 70 جاسقا تولعان مەرەيتويىمەن قۇتتىقتادى. ءوز كەزەگىندە TWESCO پرەزيدەنتىنىڭ كەڭەسشىسى ەرجان يساقۇلوۆ مەرەيتوي يەسىنىڭ يىعىنا اكادەميا اتىنان شاپان جاۋىپ, سىي-سياپات جاسادى.