بۇگىن ۇكىمەت وتىرىسىندا پرەزيدەنتتىڭ «قازاقستاندىقتاردىڭ ءال-اۋقاتىنىڭ وسۋى: تابىس پەن تۇرمىس ساپاسىن ارتتىرۋ» جولداۋىندا قويىلعان مىندەتتەر اياسىندا ءبىلىم بەرۋ جۇيەسىنىڭ وزەكتى ماسەلەلەرىن قاراستىرۋ بارىسىندا پرەمەر-مينيستر باقىتجان ساعىنتاەۆ مەكتەپتەگى, مەكتەپكە دەيىنگى جانە جوعارى ءبىلىم ساپاسىن ارتتىرۋ بويىنشا بىرقاتار ناقتى تاپسىرمالار بەردى, دەپ حابارلايدى ۇكىمەتتىڭ باسپاسوز قىزمەتى.
ءبىلىم جانە عىلىم ءمينيسترى ە. ساعاديەۆتىڭ جانە بىرقاتار وڭىرلەردىڭ اكىمدەرىنىڭ باياندامالارىن تىڭداعان سوڭ باقىتجان ساعىنتاەۆ مەملەكەت باسشىسى ءوز جولداۋىندا اتا-انالاردىڭ بالالاردىڭ قاۋىپسىزدىگى مەن وقىتۋ جاعدايلارىنا الاڭداۋشىلىق بىلدىرەتىنىن اتاپ وتكەنىن ايتتى.
وسىعان بايلانىستى, ءبىلىم جانە عىلىم مينيسترلىگىنە اكىمدىكتەرمەن بىرلەسىپ ءبىلىم ساپاسىن ارتتىرۋعا ەرەكشە كوڭىل ءبولۋ تاپسىرىلدى. قر پرەمەر-ءمينيسترى ءبىلىم مەكەمەلەرىندەگى ءۇش اۋىسىمدىق وقىتۋ, تاماقتاندىرۋ جانە اۋىز سۋ, ەرەكشە ءبىلىم الۋ قاجەتتىلىگى بار بالالارعا جاعداي جاساۋ, مەكتەپتەردى سپورت زالدارمەن قامتۋ ماسەلەلەرىن شەشۋ قاجەتتىگىن جەتكىزدى.
ءبىلىم جانە عىلىم مينيسترلىگىنە جان باسىنا قارجىلاندىرۋ تەتىگىن پايدالانۋمەن جاڭا مەكتەپتەر سالۋ جۇمىستارىن جانداندىرۋ, سونداي-اق وقۋشىلاردىڭ, مۇعالىمدەر مەن اتا-انالاردىڭ مۇددەلەرىن كوزدەيتىن جاڭاشىلدىقتار بويىنشا جەدەل ءارى ايقىن ءتۇسىندىرۋ جۇمىستارىن جۇرگىزۋ تاپسىرىلدى.
جالپى, قر بعم مەملەكەت باسشىسىنىڭ جولداۋىن ىسكە اسىرۋدىڭ جالپىۇلتتىق جوسپارىندا قويىلعان بارلىق مىندەتتەردى ناقتى ورىنداۋى ءتيىس.