استانادا بيىل تۇڭعىش رەت اتالىپ ءوتىپ وتىرعان قورعانىس ونەركاسىبى قىزمەتكەرلەرىنىڭ مەرەكەسىنە وراي قر قورعانىس جانە اەروعارىش ونەركاسىبى (قر قاوم) قىزمەتكەرلەرى مەن قورعانىس كاسىپورىندارىنىڭ ەڭبەك ۇجىمى وكىلدەرىنە ارنالعان مەرەكەلىك جيىن بولدى, دەپ حابارلايدى قورعانىس جانە اەروعارىش ونەركاسىبى مينيسترلىگىنىڭ ءباسپاسوز قىزمەتى.
ەسكە سالامىز, 2017 جىلعى 31 قازانداعى № 689 قر ۇكىمەتىنىڭ جارلىعىمەن قازاقستان رەسپۋبليكاسى قورعانىس ونەركاسىبى قىزمەتكەرلەرىنىڭ كاسىبي مەرەكەسى اتالىپ وتىلەدى.
شارا بارىسىندا قر قورعانىس جانە اەروعارىش ونەركاسىبى ءمينيسترى بەيبىت اتامقۇلوۆ قورعانىس سالاسىنداعى قىزمەتكەرلەردى مەرەكەسىمەن قۇتتىقتاپ, ەڭبەگىمەن كوزگە تۇسكەن شەبەرلەردى, ينجەنەرلەردى, كونسترۋكتورلاردى, سونىمەن بىرگە قازاقستاننىڭ قورعانىس ونەركاسىبى ارداگەرلەرىن ۆەدومستۆولىق ناگرادامەن, قر قاوم قۇرمەت گراموتاسىمەن جانە العىس حاتىمەن ماراپاتتادى.
«ەڭبەك ارداگەرى» مەدالىمەن «زەنيت» ورال زاۋىتى» اق بيۋرو باسشىسى ۆلاديمير شۋلەكين, «سەمەي ماشينا قۇراستىرۋ زاۋىتى» اق ەنەرگيا-مەحانيكالىق قىزمەتىنىڭ باسشىسى الەكساندر شەۆچەنكو, «قازاقستان ينجينيرينگ R&D ورتالىعى» جشس باس ديرەكتورىنىڭ ورىنباسارى امانتاي جۇتاباەۆ, «پزتم» اق قۇرال-سايمانشىسى ميرزوۆوي داركەەۆ, «كيروۆ اتىنداعى ماشينا قۇراستىرۋ زاۋىتى» اق تەحنيكالىق جوندەۋ ءبولىمىنىڭ ەلەكتريگى پەتر كريۆوروت, «الاتاۋ» الماتى ارنايى كونسترۋكتورلىق بيۋرو عىلىمي-وندىرىستىك كاسىپورنى» جشس قۇراستىرۋ-مونتاجداۋ وندىرىستىك ءبولىمىنىڭ باسشىسى گالينا نەدباي, «زكمك» اق باس ديرەكتورىنىڭ كەڭەسشىسى ۆيكتور كۋزنەتسوۆ ماراپاتتالدى.
12 زاۋىتشىعا «قازاقستان رەسپۋبليكاسىنىڭ قورعانىس جانە اەروعارىش ونەركاسىبىن دامىتۋعا قوسقان ۇلەسى ءۇشىن» مەدالى بەرىلدى, 6 قىزمەتكەر قۇرمەت گراموتاسىمەن ماراپاتتالسا, 2 قىزمەتكەرگە العىس حات تابىستالدى.
ۇزدىك قىزمەتكەرلەردى ماراپاتتاۋ مەرەكەلىك كونتسەرتتىك باعدارلامامەن اياقتالدى.