13-21 قازان ارالىعىندا رەسەي استاناسى – ماسكەۋدە تەننيستەن WTA ساناتىنا جاتاتىن بەلدى جارىستاردىڭ ءبىرى – «كرەمل كۋبوگىنىڭ» جالاۋى جەلبىرەيدى.
1990 جىلدان بەرى ۇزدىكسىز ۇيىمداستىرىلىپ كەلە جاتقان ءداستۇرلى تۋرنيردە كوپتەگەن ايگىلى تەننيسشىلەر ونەر كورسەتىپ, سولاردىڭ ءبىرازى ءوز ۋاقىتىندا مول ولجاعا كەنەلدى. بىلتىر وتكەن جارىستا ەرلەر سايىسىندا بوسنيا مەن گەرتسەگوۆينانىڭ وكىلى دامير دجۋمحۋر دارا شىقسا, ايەلدەر اراسىندا گەرمانيالىق يۋليا گەرگەس وزعان ەدى.
جۇلدە قورى 790 000 اقش دوللارىن قۇراپ وتىرعان بيىلعى تۋرنيردە كارولينا پليشكوۆا, اناستاسيا پاۆليۋچەنكوۆا, داريا كاساتكينا, اليزە كورنە, دومينيكا تسيبۋلكوۆا, ميشا زۆەرەۆ, اندرەاس سەپپي, دامير دجۋمحۋر, مالەك جازيري سىندى تانىمال ويىنشىلار ونەر كورسەتەدى. جارىس جولىنا شىعاتاتىندار اراسىندا قازاقستاننىڭ دا وكىلى بار. ول – ەلىمىزدىڭ ءبىرىنشى راكەتكاسى يۋليا پۋتينتسەۆا. ەستونيالىق كايا كانەپي ماسكەۋگە كەلۋدەن باس تارتقاندىقتان الەمدىك رەيتينگتە 47 ساتىدا تۇرعان جەرلەسىمىز وسى باسەكەدە باق سىناۋ قۇرمەتىنە يە بولدى.
عالىم سۇلەيمەن,
«ەگەمەن قازاقستان»