بيىلعى جولداۋدا دا پرەزيدەنت حالىقتىڭ تۇرمىستىق ساپاسىن ارتتىرۋعا قاتىستى ماڭىزدى ويلار ايتىپ, مەديتسينالىق قىزمەتتىڭ الەۋەتىن ارتتىرۋ ازاماتتاردىڭ الەۋمەتتىك كوڭىل كۇيىنە اسەر ەتەتىن ماڭىزدى كومپونەنت ەكەندىگىنە باسا نازار اۋدارتتى. ەلباسى ءوز سوزىندە العاشقى مەديتسينالىق-سانيتارلىق كومەكتىڭ اۋىلدىق جەرلەرگە قولجەتىمدىلىگىن قامتاماسىز ەتۋ تۋرالى ايتۋى, وسى سالادا ەڭبەك ەتىپ جۇرگەن مەديتسينا قىزمەتكەرلەرىنىڭ جالاقىسىن كوبەيتۋ تۋرالى بەرگەن تاپسىرماسى دەنساۋلىق ساقتاۋ جۇيەسىنە ەلەۋلى سەرپىن بەرەرى ءسوزسىز. سونداي-اق كوپتەن بەرى ءوز شەشىمىن تاپپاي كەلە جاتقان مەديتسينالىق مەكەمەلەردەگى قۇجاتتاردى تسيفرلى نۇسقاعا كوشىرۋ ءىسى دە الداعى جىلدان باستالاتىندىعى ماڭىزدى جايتتاردىڭ ءبىرى بولىپ وتىر. ويتكەنى بۇل كەشەندى شارا دارىگەرلەردىڭ جۇمىسىن ەداۋىر جەڭىلدەتىپ, حالىققا كورسەتىلەتىن قىزمەت ساپاسىن ارتتىرا تۇسەدى. سونىمەن قاتار الداعى 5 جىل ىشىندە ءبىلىم, عىلىم, دەنساۋلىق ساقتاۋ سالالارىنا جۇمسالاتىن قاراجاتتى ىشكى جالپى ءونىمنىڭ 10 پروتسەنتىنە دەيىن جەتكىزۋ دەگەن مىندەت تە ەلىمىزدەگى الەۋمەتتىك سالانىڭ دامۋىن جاڭا بەلەسكە كوتەرەدى دەپ ويلايمىز.
جالپى, ەلباسى جولداۋىندا ايتىلعان بارلىق باعىت وتە ماڭىزدى جانە ولاردىڭ حالىققا بەرەرى مول. ەندى تەك بەلگىلەنگەن جوسپارلى جۇمىستاردى ءساتتى جۇزەگە اسىرىپ, ءتاتتى جەمىسىن تاتۋىمىز كەرەك.
شولپان بولەكباەۆا,
«UMC» كورپوراتيۆتىك قورىنىڭ بالالاردى وڭالتۋ ۇلتتىق ورتالىعىنىڭ ديرەكتورى