الماتى قالاسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتىندا «ورلەۋ» بىلىكتىلىكتى ارتتىرۋ ۇلتتىق ورتالىعىندا ء«ۇشتىلدى ءبىلىم بەرۋ: ىزدەنىس, ماسەلەلەر, دامۋ بولاشاعى» تاقىرىبىندا حالىقارالىق عىلىمي-تاجىريبەلىك كونفەرەنتسيا ءوتتى. كونفەرەنتسياعا عالىمدار, عىلىمي قىزمەتكەرلەر, ءبىلىم بەرۋ مەكەمەلەرىنىڭ قىزمەتكەرلەرى جانە «ورلەۋ» باۇو اق فيليالدارىنىڭ وكىلدەرى قاتىستى.
ءبىلىم بەرۋ مازمۇنىن جاڭارتۋ جاعدايىندا ءۇشتىلدى ءبىلىم بەرۋ ستراتەگياسىن دامىتۋ ماقساتىندا ۇيىمداستىرىلعان حالىقارالىق دارەجەدەگى ءىس-شارانى «ورلەۋ» باۇو» اق فيليالى الماتى قالاسى بويىنشا پق باي ديرەكتورى رايسا سادۆاكاسوۆا رايسا اشىپ, قاتىسۋشىلارعا قۇتتىقتاۋ لەبىزىن ءبىلدىردى. كونفەرەنتسيا بارىسىندا ەقىۇ از ۇلتتار ىستەرى جونىندەگى جوعارعى كوميسسارياتىنىڭ وابب ايماقتىق ەكسپەرتى اتاناسيا ستويانوۆا قازاقستانداعى كوپتىلدى ءبىلىم بەرۋ ماسەلەسىنە قىسقاشا توقتالىپ ءوتتى.
كونفەرەنتسياعا قاتىسۋشىلاردى ELS, RELO اقش ەلشىلىگىنەن ەن دە ۋيلد, توماس روبب, سيديكو سابوني, مارك دورر, نەنسي اكليستەر عالامتور ارقىلى قاشىقتىقتان قۇتتىقتاپ, الەمدىك دارەجەدەگى كەلەلى ماسەلەنى كوتەرىپ وتىرعان القالى جيىنعا ساتتىلىك تىلەدى. كونفەرەنتسيا جۇمىسىنا ەقىۇ از ۇلتتار ىستەرى جونىندەگى جوعارعى كوميسسارياتتىڭ وابب ايماقتىق مەنەدجەرى گيۋلناز سايروۆا, قالالىق ادىستەمەلىك ورتالىقتىڭ ادىسكەرى ايدا چەمەرباەۆا جانە «ورلەۋ» باۇو» اق باسقارماسىنىڭ وكىلدەرى يسلامگۋلوۆا اناستاسيا, انار قاسىمبەكوۆا جانە ت.ب. قاتىستى.
كونفەرەنتسيادا زاماناۋي ءبىلىم بەرۋ جاعدايىندا مۇعالىمدەردى قايتا دايارلاۋ ۇلگىلەرىنىڭ ءبىرى رەتىندە «100 ناقتى قادام» ۇلت جوسپارى مەن ءبىلىم بەرۋدى جانە عىلىمدى دامىتۋدىڭ 2016-2019 جىلدارعا ارنالعان مەملەكەتتىك باعدارلاماسىنا سايكەس ولارعا ماقساتتى ءتىل جانە ءتىل مەن ءپاندى كىرىكتىرىپ وقىتۋ ادىستەمەسىن (CLIL – Content and Language Integrated Learning) ۇيرەتۋ ماسەلەسى تەرەڭىنەن تالقىلاندى. قازاقستان رەسپۋبليكاسىنداعى جالپى ءبىلىم بەرەتىن ۇيىمدارداعى ءۇشتىلدى ءبىلىم بەرۋدى دامىتۋ ۇدەرىسىنىڭ ساپاسى ولاردى شەشۋ ماقساتىندا تۋىنداعان ماسەلەلەر مەن ۇقساس جاعدايلار ارقىلى نەگىزدەلىپ انىقتالاتىنى ءسوز بولدى. سونداي-اق ورتا ءبىلىم بەرۋ مازمۇنىن جاڭارتۋ جاعدايىندا جاراتىلىستانۋ-ماتەماتيكالىق باعىت پاندەرىن وقىتۋ, ۇلتتىق مەكتەپتەردەگى كوپتىلدى ءبىلىم بەرۋدى دامىتۋ ماسەلەلەرى, CLIL ساباقتارىندا اكت پايدالانۋدىڭ تيىمدىلىگى قاراستىرىلدى.
جينالعاندار الدىندا ف.ع.د., پروفەسسور. ۇعا كوررەسپوندەنت-مۇشەسى, احمەت بايتۇرسىنوۆ اتىنداعى ءتىل ءبىلىمى ينستيتۋتىنىڭ فونەتيكا ءبولىمىنىڭ باس عىلىمي قىزمەتكەرى زەينەپ بازارباەۆا, ف.ع.ك., (PhD «ورلەۋ» باۇو اق فيليالى الماتى قالاسى بويىنشا پق باي ببۇپپجە كافەدراسىنىڭ اعا وقىتۋشىسى اقبوتا قوڭىروۆا, بريتان كەڭەسىنەن ايماقتىق مەنەدجەر ەكاتەرينا ارتەمەۆا, پ.ع.ك., سدۋ پروفەسسور-اسسيستەنتى داۆران گايپوۆ, پ.ع.ك., دوتسەنت, «ورلەۋ» باۇو اق فيليالى الماتى قالاسى بويىنشا پق باي يتجعج (گ)پوا كافەدراسىنىڭ مەڭگەرۋشىسى اليا ارزيەۆا, اقش ەرلشىلىگىنىڭ RELO وقىتۋشىسى Vanda Simpson وسى باعىتتاردا بايانداما جاسادى.
سونداي-اق, بۇل كۇنى الەمدەگى كوپتىلدى ءبىلىم بەرۋ ماسەلەسى دە قاراستىرىلىپ, القالى جيىنعا جينالعاندار الدىندا عالامتور ارقىلى شۆەيتساريا, نورۆەگيا, دومينيكان رەسپۋبليكاسى, بەلگيا, جاپونيا/اقش, باحرەيننەن اعىلشىن ءتىلى وقىتۋشىلارىنىڭ قاشىقتىقتان تانىستىرىلىمىنا دا كەزەك بەرىلدى.
پلەنارلىق ماجىلىستەن كەيىن «ۇشتىلدىلىك – كوپتىلدى تۇلعانى قالىپتاستىرۋ نەگىزى», ء«تىل مەن ءپاندى كىرىكتىرىپ وقىتۋ (CLIL – Content and Language Integrated Learning) ادىستەمەسىن ەنگىزۋدەگى جانە دامىتۋداعى وزەكتى ماسەلەلەر)», «ورتا ءبىلىم بەرۋ مازمۇنىن جاڭارتۋ جاعدايىندا جاراتىلىستانۋ-ماتەماتيكالىق باعىت پاندەرىن وقىتۋ», «ۇلتتىق مەكتەپتەردە كوپتىلدى ءبىلىم بەرۋدى دامىتۋ», «CLIL ساباقتارىندا اكت پايدالانۋدىڭ تيىمدىلىگى» تاقىرىپتارىندا قالاداعى جالپى ءبىلىم بەرۋ مەكتەپتەرى مۇعالىمدەرىنىڭ كۇشىمەن ۇيىمداستىرىلعان سەكتسيالىق ماجىلىستەر دە ءوز دارەجەسىندە ءوتتى.
حالىقارالىق عىلىمي-تاجىريبەلىك كونفەرەنتسيا اياسىندا قازاقستان رەسپۋبليكاسىنداعى ورتا ءبىلىم بەرۋ مازمۇنىن جاڭارتۋ جاعدايىندا ءۇشتىلدى ءبىلىم بەرۋدى دامىتۋ بويىنشا جۇمىستاردى جەتىلدىرۋ; ءپان مەن ءتىلدى كىرىكتىرىپ وقىتۋ ءادىسىن (CLIL – Content and Language Integrated Learning) قولدانۋ بويىنشا جۇمىستاردى جالعاستىرۋ; جاراتىلىستانۋ-ماتەماتيكالىق تسيكل پاندەرىن اكت كىرىكتىرە وتىرىپ وقىتۋعا باسا نازار اۋدارۋ; ۇلتتىق مەكتەپتەردەگى ءۇشتىلدى ءبىلىم بەرۋ سالاسىنىڭ جۇمىسىن جەتىلدىرۋ; حالىقارالىق, رەسپۋبليكالىق, قالالىق دەڭگەيدەگى عىلىمي-تاجىريبەلىك كونفەرەنتسيالار, سەمينار, فورۋم, شەبەر-سىنىپتارىن وتكىزۋ ارقىلى ءتىل ساياساتىن جۇزەگە اسىرۋ بويىنشا جۇمىستاردى جالعاستىرۋ; ۇشتىلدىلىكتى كۇندىزگى-قاشىقتىقتان وقىتۋ فورماتىندا ەنگىزۋ ماسەلەلەرى بويىنشا شەتەلدىك سەرىكتەستەرمەن قىزمەت ەتۋدى دامىتۋ; mass media ارقىلى ءۇشتىلدى ءبىلىم بەرۋ جاعدايىندا ءپان مۇعالىمدەرىنىڭ وزىق پراكتيكالىق جانە يننوۆاتسيالىق تاجىريبەلەرىن توپتاستىرۋ جانە تاراتۋعا بايلانىستى ۇسىنىستار قابىلداندى.
كونفەرەنتسيا سوڭىندا ءىس-شاراعا بەلسەنە قاتىسقاندارعا ارنايى سەرتيفيكاتتار تابىس ەتىلدى.
ەلۆيرا سەرىكقىزى,
«ەگەمەن قازاقستان»
الماتى