حالىقارالىق قارتتار كۇنىنە وراي ازەربايجاننىڭ «كاپيتال بانك» اتتى بانكى زەينەتكەرلەرگە ارنالعان الەۋمەتتىك جوبا وتكىزۋدە.
بانكتىڭ ءباسپاسوز قىزمەتىنىڭ حابارلاۋىنشا, ء«ۇشىنشى كوكتەم» توبىنىڭ باستاماسىمەن قولعا الىنعان جوبا بارىسىندا قاتىسۋشىلار بانكتىڭ استاناداعى بولىمشەلەرىندە حالىققا قىزمەت كورسەتپەك. زەينەتكەرلەر ءبىر اي كولەمىندە بانككە كەلگەن جاسى ۇلكەن تۇتىنۋشىلاردى قىزمەتتەرىنە سايكەس باعىتتاپ وتىرادى.
«كاپيتال بانك» جىل سايىن حالىقارالىق قارتتار كۇنىنە ءار ءتۇرلى شارالار ۇيىمداستىرادى. بىلتىرعى جىلدىڭ جاقسى ناتيجەسى ءبىزدى «جاسا» ورتالىعىن اشۋعا قاناتتاندىردى. جوباعا قاتىسىپ جاتقان زەينەتكەرلەر نەگىزىنەن جاسى ۇلكەن تۇتىنۋشىلارمەن جۇمىس ىستەپ, سولارعا كومەك كورسەتەدى. جوبانىڭ ماقساتى – زەينەتكەرلەردىڭ وزىنە سەنىمدىلىگىن ارتتىرۋ», دەيدى بانكتىڭ ماركەتينگ ءبولىمىنىڭ باسشىسى گيۋنەل فارزاليەۆا.
بۇگىندە 95 بولىمشەسى بار بانكتىڭ قولداۋىمەن ۇيىمداستىرىلعان «جاسا» ورتالىعى ازەربايجاننىڭ ەڭبەك جانە حالىقتى الەۋمەتتىك قورعاۋ مينيسترلىگىنىنە باعىنىشتى. قازىرگى تاڭدا توپتىڭ 300 بەلسەندى مۇشەسى بار جانە ءار جاڭا جوبا سايىن 40-50 ادام قاتارىن تولىقتىرىپ تۇرادى.