جاس اۋە ديسپەتچەرى سۋلاۆەسي ارالىندا ورىن العان جەر سىلكىنىسىنە قاراماستان, جۇزدەگەن جولاۋشىسى بار ۇشاقتىڭ ۇشىپ كەتۋىن قاداعالاپ قالىپ, جۇمىس ورنىندا جان تاپسىردى, دەپ حابارلايدى Daily Mail.
انتونيۋس گۋناۆان اگۋنگ Mutiara SIS Al-Jufrie اۋەجايىنىڭ 21 جاسار قىزمەتكەرى. 28 قىركۇيەكتە ماگنيتۋداسى 6,1 بولعان العاشقى جەراستى دۇمپۋلەرى باستالعاندا بورتىندا جۇزدەگەن جولاۋشىسى بار Batik Air اۋە كومپانياسىنىڭ رەيسى اۋەگە كوتەرىلگەنگە دەيىن كوماندالىق-ديسپەتچەرلىك مۇناراسىندا قالعان. ۇشاقتىڭ امان-ەسەن جەردەن كوتەرىلگەنىنە كوز جەتكىزگەن جاس جىگىت تۇسپەك بولعان كەزدە مۇنارا قيراي باستايدى. سول ساتتە جەراستى ءدۇمپۋى 7,4 ماگنيتۋداعا جەتكەن ەدى. ول ءتورتىنشى قاباتتان سەكىرىپ, كوپتەگەن جاراقات الادى. تاياۋ ماڭداعى اۋرۋحانادا العاشقى مەديتسينالىق كومەك كورسەتىلگەن. بىراق, انتونيۋس ونى زاماناۋي جابدىقتالعان مەديتسينالىق مەكەمەگە جەتكىزەتىن تىكۇشاق كەلگەنگە دەيىن كوز جۇمدى.
AirNav Indonesia كومپانياسىنىڭ ءباسپاسوز حاتشىسى يوحاننەس سيرايت اگۋنگ ء«وز ءومىرىن قيىپ, ونداعان ادامنىڭ ءومىرىن قۇتقاردى. ول - ءبىزدىڭ باتىرىمىز», دەدى ءوز مالىمدەمەسىندە.