بۇگىن - 1878 جىلدىڭ 1 قازانىندا قازىرگى قوستاناي وبلىسى مەڭدىقارا اۋدانىندا دۇنيەگە كەلگەن سپانديار كوبەەۆتىڭ 140 جىلدىعى.
قازاق جازۋشىسى, قوعام قايراتكەرى, اۋدارماشى, پەداگوگ سپانديار كوبەەۆ ىبىراي التىنسارين اشقان قازاق-ورىس مەكتەبىندە ساۋات اشىپ, قوستانايداعى باستاۋىش سىنىپ مۇعالىمدەرىن دايىندايتىن ۋچيليششەدە ءبىلىم العان. ىبىراي ءالتىنساريننىڭ ءىزىن قۋىپ, جولىن جالعاستىرعان سپانديار كوبەەۆ بالالارعا ورىس ءتىلى مەن ادەبيەتىن وقىتقان. تۇڭعىش كىتابى "ۇلگىلى تارجىمە" دەگەن اتاۋمەن 1910 جىلى قازاندا باسپا بەتىن كوردى.
ۇستازى ى.ءالتىنساريننىڭ ىزىمەن بالالارعا ارنالعان وقۋ قۇرالىن جازۋدى قولعا العان س.كەبەەۆ 1912 جىلى قازان قالاسىندا "ۇلگىلى بالا" كىتابىن باستىرادى. باستاۋىش سىنىپ بالالارىنا ارنالعان بۇل وقۋلىقتا ول ءوزىنىڭ ءتول شىعارمالارىن, ورىس كلاسسيكتەرىنىڭ بالالارعا ارنالعان ادەبيەت ۇلگىلەرىن, قازاقتىڭ اۋىز ادەبيەتى تۇرلەرىن, ورىس مىسالشىلارىنىڭ ەڭبەكتەرىن كىرگىزدى. ناداندىققا, ەسكىشىل, سوراقى سالتپەن كۇرەسۋ ماقساتىندا اعارتۋشىعا كومەكشى قۇرالداردىڭ ءبىرى - كوركەم ادەبيەت دەپ بەرىك شەشىمگە كەلگەن سپانديار كوبەەۆ "قالىڭ مال" رومانىن جازادى.
1939 جىلى ول وقۋ-اعارتۋ سالاسىنداعى ۇزاق جىلعى ەڭبەگى ءۇشىن لەنين وردەنىمەن ماراپاتتالدى.
1944 جىلى "قازاق كسر-نا ەڭبەگى سىڭگەن مۇعالىم" اتاعى بەرىلدى.
1949 جىلى ەكىنشى رەت "لەنين" وردەنىن كەۋدەسىنە تاققان.