جامبىل وبلىسىنداعى جۇمىس ساپارى بارىسىندا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ جامبىل وبلىسىنىڭ اكتيۆىمەن كەزدەستى.
كەزدەسۋگە وبلىس اكىمى اسقار مىرزاحمەتوۆ, قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىنىڭ رەكتورى فاتيما جاقىپوۆا, الماتى جانە شىمكەنت قالالارىنداعى, الماتى, تۇركىستان جانە قىزىلوردا وبلىستارىنداعى اۋماقتىق دەپارتامەنتتەردىڭ باسشىلارى, ەتنو-قاۋىمداستىقتاردىڭ وكىلدەرى, ءماسليحاتتاردىڭ دەپۋتاتتارى, مەملەكەتتىك جانە جەرگىلىكتى اتقارۋشى ورگانداردىڭ باسشىلارى مەن ءوڭىر تۇرعىندارى قاتىستى.
اليك شپەكباەۆ فاكتورلى-بالدىق جۇيەسى مەن بونۋستار نەگىزىندەگى مەملەكەتتىك قىزمەتشىلەردىڭ جاڭا ەڭبەكاقى جۇيەسىنە باسا نازار اۋداردى.
ول قىزمەتكەرلەردىڭ جالاقىسىن ەكى ەسەگە ارتتىرۋ جانە ورتالىق پەن وڭىرلەر اراسىنداعى جالاقى ايىرماسىن 70%-دان 10%-عا دەيىن تومەندەتۋدىڭ وڭ ناتيجەسىن اتاپ ءوتتى. ونىڭ ناتيجەسىندە , ءبىر ورىنعا كونكۋرس 3 ەسە ارتقان. بۇگىنگى كۇنى ءبىر بوس مەملەكەتتىك لاۋازىمعا ەكى ۇمىتكەردىڭ ورنىنا التى ادام كەلەتىن بولعان.
اگەنتتىك توراعاسى جوعارى تيىمدىلىك كورسەتكىشتەرى بار قىزمەتكەرلەر جىل سايىنعى جالاقى مولشەرىندە سىياقىعا ۇمىتتەنە الادى جانە بۇل ءوز كەزەگىندە يپوتەكانى راسىمدەۋگە نەمەسە اۆتوكولىك ساتىپ الۋ ءۇشىن جاقسى مۇمكىندىك ەكەندىگىن اتاپ ءوتتى.
«وزگەرىستى وزىڭنەن باستا» ءپرينتسيپى بويىنشا, بۇگىنگى كۇنى اگەنتتىك مەملەكەتتىك اپپاراتتا وڭتايلاندىرۋ پروتسەسىنىڭ درايۆەرى بولىپ تابىلادى.
مىسالى, ەگەر ءبىز بارلىق مەملەكەتتىك ورگانداردىڭ كادرلىق پروتسەستەرىن ورتالىقتاندىراتىن بولساق, بولجامدى وڭتايلاندىرۋ جىلىنا 5,5 ملرد. تەڭگە ۇنەمدەيتىن شامامەن 4 600 بىرلىكتى قامتيدى», - دەدى ول.
اليك شپەكباەۆ قوسالقى قىزمەتتەردى ورتالىقتاندىرۋ جانە كادرلىق قۇجاتاينالىم بويىنشا ورتاق قىزمەت كورسەتۋ ورتالىعىن قۇرۋ تاجىريبەسى تۋرالى اڭگىمەلەدى.
«قازىر ءبىزدىڭ پەرسونالدى باسقارۋ قىزمەتكەرىمىز 14 ەسە ءتيىمدى. «ە-قىزمەت» اقپاراتتىق جۇيەسىنىڭ ارقاسىندا ول 30 ادامنىڭ ورنىنا 400-دەن استام ادامعا قىزمەت ەتەدى. جىلدىڭ سوڭىنا دەيىن ورتالىققا جالاقىنى ەسەپتەۋ فۋنكتسياسى بەرىلەدى. سونىمەن قاتار, مەملەكەتتىك ساتىپ الۋلار مەن زاڭ قىزمەتتەرى ورتالىقتاندىرىلعان», - دەدى ول.
اگەنتتىك توراعاسى اگەنتتىكتىڭ سىبايلاس جەمقورلىققا قارسى ءىس-قيمىل ۇلتتىق بيۋروسىن وڭتايلاندىرۋدى مىسال رەتىندە كەلتىردى.
اليك شپەكباەۆتىڭ ايتۋىنشا, پرەزيدەنتتىك سىياقىنى جانە وڭتايلاندىرۋدى ەسكەرە وتىرىپ, ۇلتتىق بيۋرو ورتالىق اپپاراتىنىڭ وفيتسەرلەرى 232 مىڭ تەڭگە ورنىنا 410 مىڭ تەڭگە, ال اۋماقتىق دەپارتامەنتتەر - 152 ورنىنا 350 مىڭعا جۋىق ەڭبەكاقى الاتىن بولادى.
ء«بىز باسقارۋشىلىق لاۋازىمداردى ەكى ەسەگە قىسقارتتىق, بۇل اتقارۋشى بيلىكتى 25% نىعايتتى.
ارتىق قۇرىلىمداردى قىسقارتتىق, ونىڭ ىشىندە اۋدانارالىق باسقارمالاردىڭ ۇشتەن ەكى بولىگىن قوسا العاندا. 26 باسقارما بولىمدەرگە, 34 ءبولىم توپتارعا وزگەرتىلدى.
ورتالىق باسقارۋدى كۇشەيتە وتىرىپ, ىشكى قاۋىپسىزدىك اۋماقتىق دەپارتامەنتتەرىن وڭتايلاندىردىق.
وسى شارالاردىڭ كەشەنى باسشىلاردىڭ ورىنداۋشىلارعا ارا قاتىناستارىن وزگەرتتى. ەگەر بۇرىن بۇل كورسەتكىش 1: 2 بولسا, وندا وڭتايلاندىرۋدان كەيىن - 1: 7, بۇل ءبىزدى حالىقارالىق مەنەدجمەنت ستاندارتتارىنا جاقىنداتادى», - دەدى ول.
ول سونداي-اق مەملەكەت باسشىسىنا ءبىرىنشى باسشىلارعا مەملەكەتتىك ورگانداردىڭ, ۆەدومستۆولاردىڭ جانە ولاردىڭ ۆەدومستۆولىق باعىنىستاعى ۇيىمدارىنىڭ ەڭبەكاقى تولەۋدىڭ جاڭا جۇيەسىن ەنگىزۋ ءۇشىن جۇمىستان بوساتىلعان قاراجاتتى پايدالانۋ جونىندەگى قىزمەتكەرلەردىڭ سانىن جانە اعىمداعى اكىمشىلىك شىعىستارىن وڭتايلاندىرۋعا قۇقىق بەرەتىن قاۋلى ەنگىزىلگەندىگىن ايتتى.
«ارىپتەستەر, مەن سىزدەرگە اگەنتتىك پەن ۇلتتىق بيۋرونى وڭتايلاندىرۋ تۋرالى ەگجەي-تەگجەيلى ايتۋىم جايدان-جاي ەمەس. جاڭا جالاقى جۇيەسىنە كوشۋ - وڭتايلاندىرۋ ناتيجەلەرىنە تىكەلەي بايلانىستى بولادى دەگەندى ايقىن ءتۇسىنۋ كەرەك.
بولاشاقتا جامبىل وبلىسىنىڭ اكىمدىگىمەن قوسا ءاربىر مەملەكەتتىك ورگان تەكسەرىلگەن تاسىلدەردى ەنگىزە الادى. ول ءۇشىن سىزدە قاجەتتى رەزەرۆتەر بار, بوس ورىندار بار», - دەدى اليك شپەكباەۆ قاتىسۋشىلار الدىندا.
قازىرگى ۋاقىتتا الماتى جانە شىمكەنت قالالارىنىڭ اكىمدىكتەرى 1 قازاننان باستاپ جاڭا جۇيەگە ىشكى رەزەرۆتەر ەسەبىنەن وتۋگە دايىن ەكەندىگىن ءبىلدىردى.
مەملەكەتتىك قىزمەتتەردى تسيفرلاندىرۋ تۋرالى ايتا وتىرىپ, ولاردىڭ ەلەكتروندىق فورماتقا تەزدەتە اۋدارۋ ¾-كە تۇرمىستىق سىبايلاس جەمقورلىقتى ازايتۋعا مۇمكىندىك بەردى.
«اقپاراتتىق جۇيەلەردىڭ ينتەگراتسياسىنا كەلەتىن بولساق, ول قازىردىڭ وزىندە 30%-دان اسادى. اقپارات جانە كوممۋنيكاتسيالار مينيسترلىگىمەن بىرلەسكەن جۇمىسىمىزدىڭ 8 ايىندا 2,5 ەسەگە دەرەكتەر بازاسى ينتەگراتسيالاندى(سوڭعى 10 جىلمەن سالىستىرعاندا).
ءبىزدىڭ باستى ماقساتىمىز – تۇرمىستىق سىبايلاس جەمقورلىقتى جويۋدىڭ نەگىزگى فاكتورى رەتىندە ونلاين قىزمەتتەرگە تولىق كوشۋ», - دەدى اليك شپەكباەۆ.
سونىمەن بىرگە, اگەنتتىك توراعاسى جامبىل وبلىسىندا بيزنەستى جانە ينۆەستيتسيالاردى سىبايلاس جەمقورلىقتان قورعاۋ بويىنشا جوبانى تابىستى ىسكە اسىرىلىپ جاتقاندىعىن اتاپ ءوتتى.
جينالىسقا قاتىسقان جامبىل وبلىسىنا سالىنعان ينۆەستيتسيالار جانە اگەنتتىككە دەگەن سەنىمدەرى ءۇشىن بيزنەسمەندەرگە العىسىن بىلدىرە وتىرىپ, ول اگەنتتىكتىڭ اۋماقتىق دەپارتامەنتتەرىنە جانە ۇلتتىق بيۋروعا ينۆەستورلاردى قولداۋ, كومەك كورسەتۋ جانە قورعاۋ بويىنشا جۇمىستى كۇشەيتۋدى تاپسىردى.
«جامبىل وبلىسىندا 160 ملرد تەڭگەنى قۇرايتىن 4 جوبا سىبايلاس جەمقورلىققا قارسى سۇيەمەلدەنۋدە.
ءبىزدىڭ جوبالارىمىزدىڭ ارقايسىسى وڭىرلەردەگى كاسىپكەرلەردىڭ زاڭدى قۇقىقتارىن ءتيىمدى قورعاۋى كەرەك. بيزنەستى سىبايلاس جەمقورلىقتان قورعاۋ - ينۆەستيتسيالاردى تارتۋداعى ءبىزدىڭ ەلىمىزدىڭ «قىزىعۋشىلىق تۋدارىتانى قۇرالىنا» اينالۋى ءتيىس», - دەدى سىبايلاس جەمقورلىققا قارسى كۇرەس ۆەدومستۆوسىنىڭ باسشىسى.
كەزدەسۋ بارىسىندا سونداي-اق قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىنىڭ رەكتورى فاتيما جاقىپوۆا جانە «بيزنەستى جانە ينۆەستيتسيالاردى سىبايلاس جەمقورلىقتان قورعاۋ» جوبالىق ءبولىمىنىڭ باسشىسى گۇلميرا قابيەۆا ءسوز سويلەدى.
جۇمىس ساپارى اياسىندا اگەنتتىك توراعاسى قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسى فيليالىنىڭ اشىلۋ راسىمىنە قاتىسىپ, جامبىل وبلىسى بويىنشا قازاقستان حالىق اسسامبلەياسىنىڭ مۇشەلەرىمەن, جەرگىلىكتى جانە شەتەلدىك ينۆەستورلارمەن, بيزنەس-قاۋىمداستىق وكىلدەرىمەن كەزدەستى.