اتىراۋدا «نازارباەۆ مودەلى: ستراتەگيالىق جوسپارلاۋ جانە پراگماتيزم» حالىقارالىق عىلىمي-تاجىريبەلىك كونفەرەنتسياسى ءوتتى. كونفەرەنتسياعا بەس مەملەكەتتەن ستۋدەنتتەر قاتىستى, دەپ حابارلايدى اتىراۋ وبلىسىنىڭ وڭىرلىك كوممۋنيكاتسيالار قىزمەتى.
وبلىس اكىمدىگىنىڭ قولداۋىمەن ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىندە «ن.نازارباەۆ: ءداۋىر, تۇلعا, قوعام» ەلباسىنىڭ كوشپەلى قور كورمەسى جوباسى اياسىندا حالىقارالىق كونفەرەنتسيا ءوتتى.
ءىس-شارانىڭ مودەراتورى قر تۇڭعىش پرەزيدەنتى – ەلباسى كىتاپحاناسى ديرەكتورىنىڭ ءبىرىنشى ورىنباسارى, ساياسي عىلىمدارىنىڭ دوكتورى, پروفەسسور ءامىرحان راحىمجانوۆ ءوز سوزىندە قازاقستاننىڭ وتكەنى مەن بۇگىنىنە توقتالىپ ءوتتى.
- شارانىڭ باستى ماقساتى – ەلباسىنىڭ ىشكى, سىرتقى ساياساتتاعى جەتكەن جەتىستىكتەرىن, العىشارتتارىن, ەلدىڭ دامۋ جولىن كورسەتۋ. قر دامۋىنا ەلدەگى بارلىق ايماقتار ءوز ۇلەستەرىن قوسىپ وتىر. سونىڭ ىشىندە وسى شارانى اتىراۋ وبلىسىندا وتكىزۋدىڭ وزىندىك ماڭىزى بار. تاريحى باي قازىنالى اتىراۋ ءىرى وتاندىق جانە شەت ەلدىك قور شوعىرلانعان ۇلكەن مەكەنگە اينالىپ وتىر. ءوز كەزەگىندە ەل دامۋىنا ات سالىسقان بارلىق اتىراۋلىقتارعا, وبلىس باسشىسىنا ريزاشىلىعىمدى بىلدىرەمىن, – دەدى ءامىرحان راحىمجانوۆ.
كونفەرەنتسيادا تۇركيا, يران, وزبەكستان, رەسەي جانە قىتايدان كەلگەن ستۋدەنتتەر ەلباسىنىڭ ىشكى-سىرتقى ساياساتى, باستامالارى, قازاق ەلىنىڭ تاۋەلسىزدىكتەن كەيىنگى جاڭا تاريحى تۋرالى بايانداما جاسادى. جيىنعا قاتىسقان وبلىس اكىمى ەلباسى جۇرگىزگەن ساياساتتىڭ قازاقستاننىڭ دامۋىنداعى باستى قوزعاۋشى كۇش ەكەنىن ايتىپ ءوتتى.
- الەمدىك ساياساتتا وزىندىك ورنى بار قازاقستان جولىندا بار كۇش-جىگەرىن سالعان ن.نازارباەۆتىڭ ەلەۋلى ەڭبەگىن بۇگىنگى تاڭدا بۇكىل الەم مويىنداپ وتىر.تاريح قويناۋىنان ۇزاق جىلدار بويى تولعاتىپ,ەلگە باعدار بەرگەن ەلباسىنىڭ سىندارلى ساياساتى ارقاسىندا بۇگىندە قازاق ەلى بەيبىت ءومىر سۇرۋدە. بۇگىنگى شارامىز سونىڭ ءبىر دالەلى, - دەيدى نۇرلان نوعاەۆ.
- ءبىز پرەزيدەنتتىڭ تاۋەلسىز قازاقستانعا اتقارعان ءىسىنىڭ ولشەۋسىز ەكەنىن ءتۇسىنۋىمىز قاجەت جانە اينالامىزعا ايتا ءجۇرۋىمىز كەرەك. «ن.نازارباەۆ: ءداۋىر,تۇلعا, قوعام» ەلباسىنىڭ كوشپەلى قور كورمەسى جوباسى اياسىندا وبلىس اۋداندارىندا دا تالقىلاۋلار مەن باسقوسۋلار ۇيىمداستىرىلادى.
ايتا كەتەيىك, 18 قىركۇيەك كۇنى اتىراۋدا "ن.نازارباەۆ: ءداۋىر, تۇلعا, قوعام" ەلباسىنىڭ كوشپەلى قور كورمەسىنىڭ اشىلۋ سالتاناتى ءوتتى. كورمەنى ش.ساريەۆ اتىنداعى وبلىستىق مۋزەيدە ەكى اي بويى تەگىن تاماشالاۋعا بولادى.