...ريزاشىلىق بىلدىرەدى ماڭىزدى ماقالا جازباق ويدامىن «ەگەمەن قازاقستان» گازەتىنىڭ 2018 جىلعى 18 شىلدەدەگى نومىرىندە «شىعىس قازاقستان وبلىسىنىڭ ۆەتەرينار دارىگەرلەرى» قوعامدىق بىرلەستىگىنىڭ توراعاسى ەسەنكەلدى باكىمباەۆتىڭ «مالدارىگەرلىك قىزمەت ۋاقىت تالابىنا ساي ما؟» دەپ اتالاتىن ماقالاسىندا «ويىمىزدى ورتاعا سالىپ, ىنتالى ادامدارمەن ءبولىسۋدى ءجون كوردىك» دەپ, ۆەتەريناريا سالاسىنداعى پروبلەمالاردى قوعامدىق تالقىلاۋعا ۇسىنعان ەكەن. گازەت ەلىمىزدەگى ۆەتەريناريالىق قاۋىپسىزدىككە قاتىستى پروبلەمانى جاريالاعانى ءۇشىن ماقالانى وقىعان كوپشىلىكتىڭ العىسىن جەتكىزۋدى ءجون سانادىم. ۇجىم الداعى ۋاقىتتا ۆەتەريناريا سالاسىنىڭ پروبلەمالارىنا تۇراقتى كوڭىل ءبولىپ وتىرسا ەكەن دەگەن تىلەك ايتا وتىرىپ, اۋىلدىق وكرۋگتەردەگى ۆەتەريناريالىق بەكەتتەر دەڭگەيىندەگى قوردالانعان ماسەلەلەردىڭ تۋىنداۋ سەبەپتەرى مەن ونى شەشۋدىڭ جولدارى تۋرالى ۇسىنىستارىمدى ماقالا ەتىپ جازسام دەگەن وي كەلەدى. ماقالا – نورماتيۆتىك-قۇقىقتىق اكتىلەرگە سىلتەمە جاساي وتىرىپ, ۆەتەريناريا سالاسىنىڭ ۋاكىلەتتى ورگانى – اۋىل شارۋاشىلىعى مينيسترلىگى اتىنا سىن ايتىلىپ, اۋدانداردىڭ جاو قۇرعان مەملەكەتتىك ۆەتەريناريالىق ۇيىمداردى دامىتۋدا ورىندالماي وتىرعان قۇقىقتىق, ۇيىمداستىرۋشىلىق جانە ەكونوميكالىق نەگىزدەرى تۋرالى بولماق.
مۇحامەدالى تىلەۋليەۆ, «ۆەتەرينارلىق قىزمەت» ممك-ءنىڭ پارازيتولوگ-مالدارىگەرى تۇركىستان وبلىسى, تولە بي اۋدانى
...ماقتان تۇتادى قاناتىن كەڭ جايا تۇسەدى تاۋەلسىز قازاقستاننىڭ تۋ تىككەن ەلورداسى – استانا قالاسىنا بيىل جيىرما جىل تولدى. جيىرما جىل دەگەن تاريح ءۇشىن قاس قاعىم ءسات بولسا دا, ەلوردامىزدىڭ ءتورى ادام تانىماستاي وزگەردى. جىل ەمەس, كۇن ساناپ, ەتەك-جەڭى كەڭەيىپ, ەڭسەسى بيىكتەپ, ەرتەگىلەردە شىعاتىن الىپ قۇس سامۇرىقتىڭ قانات قاققانىنداي قارىشتاپ دامىپ كەلەدى. سامۇرىق قۇستىڭ ۇياسىنداي الىپ بايتەرەك قالامىزدىڭ ورتاسىندا مەنمۇندالاپ تۇر. استانانىڭ ورتالىق الاڭىنداعى «قازاق ەلى» مونۋمەنتىن ءوز باسىم بۇكىل قازاقتىڭ باسىنا قونعان التىن ءتاجى دەپ بىلەمىن. كىشكەنتاي كەزىمدە اكە-شەشەممەن بىرگە ەۋروپانىڭ كوپتەگەن قالالارىن ارالاپ, تالاي كەرەمەت كورىنىستەردى تاماشالاعان ەدىم. سول كەزدە «شىركىن-اي, مىنانداي كەرەمەت مادەني وشاقتار, وسىنداي تاماشا ويىن-ساۋىق ورىندارى بىزدە دە بولسا عوي» دەپ ارمانداۋشى ەدىم. سول ارمان-قيالىمدى بىلگەندەي-اق بۇگىنگى استانادا ءبارى سالىنىپ, ەل يگىلىگىنە جاراپ جاتىر. مەنىڭ باستاۋىش سىنىپ بىتىرگەن جىلدارىمدا مۇلدەم بولماعان اسەم عيماراتتار, ەڭسەلى وردالار بۇگىن ەڭسە تىكتەپ, استانانىڭ تورىنە شىراي بەرىپ تۇر. استانا ءوزىنىڭ سىرتقى كەلبەتىمەن عانا ەمەس, ىشكى ءمان-مازمۇنىمەن دە وركەنيەتتى الەمنىڭ كوشىن باستاپ تۇر. بىلتىر عانا ەكسپو-2017 حالىقارالىق كورمەسىنىڭ اشىلۋ سالتاناتىنا بارعان ساتىمدە تاڭ تاماشا بولدىم. «ماڭگىلىك ەل» قاقپاسى قالا ورتاسى ىسپەتتى بولىپ قالعان. جان-جاعىندا سالىنعان اسەم عيماراتتار ودان ارى سوزىلىپ, اۋەجايعا قاراي بەتتەپ كەتىپتى. ال سول اۋماقتاعى نازارباەۆ ۋنيۆەرسيتەت كامپۋسىنا قارسى تۇرعان «مەگا سيلكۋەي» ويىن-ساۋىق وتاۋى كۇندەلىكتى ساباقتان شىققان ستۋدەنت جاستاردىڭ كوڭىل كوتەرەتىن, دەمالاتىن ەڭ قولايلى ءارى لايىقتى مادەني ورنى. وسىعان قاراپ ماعان مىنانداي وي كەلدى: استانانىڭ اسىل مۇراتى – جاستار مەن بولاشاققا جاسالعان يگى ىستەر شوعىرى. ولاي بولسا, جاستارىنىڭ قامىن ويلاعان قالا ءاردايىم گۇلدەنىپ دامي بەرەدى, ەڭسەسىن تىكتەپ, قاناتىن كەڭ جايا تۇسەدى.
اقنيەت سارسەنوۆا, استانا قالاسى, №66 مەكتەپ-ليتسەيىنىڭ 11 «ب» سىنىپ وقۋشىسى
...ۇسىنىس جاسايدى شەجىرەنى زەرتتەيتىن ينستيتۋت كەرەك ەگەر قازىرگى شەجىرە دەپ جۇرگەنىمىزدى ءۇرىم-بۇتاق تىزىمىمەن ەسەپتەسەك جەتى اتا ەمەس, كەمىندە قىرىق, ەلۋ اتاعا بارادى. نەگە قازاق جەتى اتاڭدى ءبىل دەدى؟ قۇراندا « ۇلىستار مەن رۋلارعا بولدىك» دەيدى. دەمەك شەجىرە – قۇدايدان. ول تۋرالى ء«ابىل مەن قابىل» جايلى اڭىزدا ايتىلادى. ال قازاق نەگە ۇلتتى جۇزگە, ءجۇزدى ەلگە, ەلدى رۋعا, رۋدى اتاعا ءبولىپ تاراتادى؟ جەتى اتا جۇيەسىنىڭ سىرى تەرەڭدە. شەجىرە – تەڭدەسى جوق عىلىم. ايتپاعىم, شەجىرە ءىلىمى كۇردەلى ءىلىم. قازاقتا ونىڭ جۇيەسى ساقتالعان. «بىرەۋدە التىنشى ساۋساق بولسا, ول ونىڭ جەتىنشى ۇرپاعىنان قايتالانادى» دەيدى تۇقىمقۋالاۋشىلىق جانە وزگەرگىشتىك زاڭىنىڭ تۇجىرىمى. قازاققا شەجىرەنى زەرتتەيتىن عىلىمي ينستيتۋت كەرەك. تەك اڭىزدار مەن تاريحي دەرەكتەردى مالدانۋ شىنايى عىلىمعا جاتپايدى. قازاقتا بۇگىنگە دەيىن ساقتالىپ كەلە جاتقان شەجىرە جۇيەسى, ۇرىمبۇتاق قۇجاتى, اۋلەت تاريحى بار. بۇل ماسەلەگە ۇلت بولىپ كوڭىل ءبولىنۋى كەرەك. قازاق شەجىرە ارقىلى بىرىگەدى. قۇر ماقتاننىڭ كۇنى ءوتىپ بارادى. ايتقانىن دالەلدەيتىن عىلىم دەگەن سالاعا دەن قويۋ كەرەك. قازاق شەجىرە زاڭى ارقىلى بۇزىلعانىن تۇزەپ, ۇزىلگەنىن جالعاي العان ۇلت. ول ۇلىلىقتى ءالى دە جاساي الادى.
سەرىك سۇيىندىك الماتى
...ۇلگى ەتەدى ونەرلى ورگە جۇزەر جاميليا يسمەتوۆا ماڭعىستاۋ وبلىسى, قاراقيا اۋدانى, جەتىباي اۋىلىنىڭ №3 ورتا مەكتەپ مەكەمەسىنىڭ 9 «گ» سىنىبىندا وقيدى. جاميليا كىشكەنە كەزىنەن وتە زەرەك, اقىلدى, ءبىلىمدى بولىپ اۋداندىق, وبلىستىق, رەسپۋبليكالىق سايىستارعا دا ۇنەمى قاتىسىپ, بيىكتەردەن كورىنىپ جۇرگەن وقۋشى. 2016 جىلى اتىراۋ قالاسىندا وتكەن رەسپۋبليكالىق «اق كوگەرشىن» مانەرلەپ وقۋ سايىسىنان جۇلدەلى II ورىن, قاراقيا اۋداندىق «اباي وقۋلارى 2016» مانەرلەپ وقۋ سايىسىنان I ورىن, اقتاۋ قالاسىندا وتكەن «اباي وقۋلارى 2016» وبلىستىق مانەرلەپ وقۋ سايىسىنان I ورىن, سونىمەن قاتار 2016 جىلى «ساپتىق ءجۇرىس 2016» بايقاۋىنان I ورىن يەلەنگەن. جاميليا تەك مانەرلەپ وقۋ شەبەرى عانا ەمەس, ساحنالىق قويىلىمداردا دا ءرولدى وتە كەرەمەت سومدايتىن اكتريسا دەسەك ارتىق ايتپاعان بولار ەدىك. قاراقيا اۋدانىندا وتكەن «ەسىرتكىسىز ەستى الەم» سايىسىندا «انا» ءرولىن سومداپ III ورىنعا يە بولدى. ودان كەيىن اۋداندىق «ماڭعىستاۋناما» سايىسىندا «اسالى-كوكەتاي» دراماسىنان قويىلىم قويعاندا, كوكەتاي ءرولىن جان-تانىمەن ورىنداپ, II ورىن يەلەندى. اۋداندىق ءپان وليمپياداسىنا بيولوگيا پانىنەن II ورىن الىپ, وبلىسقا دەيىن بارىپ كەلدى. جاميليانىڭ وسىنداي دارەجەگە جەتۋىنە سەپتىگىن تيگىزگەن اتا-انانىڭ بەرگەن جۇيەلى ءتالىم-تاربيەسى دەپ ويلايمىن. ەكىنشى ارينە, ۇستاز تاربيەسى. ءبىز مەكتەبىمىزدە وسىنداي شاكىرتتەرىمىزدىڭ بارىن ۇلكەن ماقتانىشپەن ايتا الامىز. ايتگۇل كوپتىلەۋوۆا, №3 ورتا مەكتەپ مۇعالىمى ماڭعىستاۋ وبلىسى, قاراقيا اۋدانى